കോൺഗ്രസിൽ നിന്ന് രാജിവച്ച അഖിലേന്ത്യ മഹിളാകോൺഗ്രസ് അധ്യക്ഷ സുഷ്മിത ദേവ് തൃണമൂൽ കോൺഗ്രസ്സിൽ ചേർന്നു. അഭിഷേക് ബാനർജി, ഡെറിക് ഒബ്രെയിൻ തുടങ്ങിയവരുടെ സാന്നിധ്യത്തിലാണ് തൃണമൂൽ കോൺഗ്രസ്സിൽ സുഷ്മിത അംഗത്വം നേടിയത്.
ഗുവാഹത്തിയിൽ നിന്നും ഇന്ന് രാവിലെ കൊൽക്കത്തയിൽ എത്തിയ സുഷ്മിത തൃണമൂൽ നേതാക്കളുമായി കൂടിക്കാഴ്ച നടത്തിയിരുന്നു. തുടർന്ന് അഭിഷേക് ബാനർജിയുമായി ചർച്ച നടത്തിയിരുന്നു. ചർച്ചയ്ക്കൊടുവിൽ ഡെറിക് ഒബ്രെയിനും അഭിഷേക് ബാനർജിയും പാർട്ടി അംഗത്വം നൽകി സുഷ്മിതയെ സ്വീകരിക്കുകയായിരുന്നു.
കഴിഞ്ഞ ആറ് മാസമായി സുഷ്മിത ദേവ് നേതൃത്വവുമായി പിണങ്ങി നിൽക്കുകയായിരുന്നു. സുഷ്മിത രാജിക്കത്തയച്ചത് പാർട്ടി അധ്യക്ഷ സോണിയാ ഗാന്ധിക്കാണ്. അസം നിയമസഭാ തിരഞ്ഞെടുപ്പിലെ സീറ്റ് വിഭജനത്തിലുണ്ടായ അതൃപ്തിയാണ് സുഷ്മിത രാജിവെക്കാൻ കാരണമായത്.
Story highlight : Sushmita Dev joins Trinamool Congress.
