ആഗോള വിപണികളിലുണ്ടായ നഷ്ടം രാജ്യത്തെ ഓഹരി സൂചികകളിൽ പ്രതിഫലിച്ചു. വ്യാപാര ആഴ്ചയുടെ തുടക്ക ദിനമായ ഇന്ന് ഒരു ശതമാനത്തിലേറെ നഷ്ടമാണ് സൂചികകളിൽ കാണാനായത്.
ലോകമെമ്പാടും കോവിഡിന്റെ ഡെൽറ്റ വകഭേദം വ്യാപിച്ചതും പണപ്പെരുപ്പ് നിരക്കുകളും വിപണിയെ ബാധിച്ചു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
സെൻസെക്സ് 587 പോയിന്റ് നഷ്ടത്തിൽ 52,553.40ലാണ് ക്ലോസ് ചെയ്തത്. നിഫ്റ്റി 171 പോയന്റ് താഴ്ന്ന് 15,752.40ലും അവസാനിപ്പിച്ചു. ഇതേതുടർന്ന് രാജ്യത്തെ നിക്ഷേപകർക്ക് കനത്ത നഷ്ടമാണ് ഉണ്ടായത്. 1.2 ലക്ഷം കോടി രൂപയുടെ നഷ്ടമാണ് വിലയിരുത്തുന്നത്.
നിഫ്റ്റി ബാങ്ക് സൂചിക രണ്ട് ശതമാനത്തിലേറെ താഴ്ന്നപ്പോൾ ജപ്പാന്റെ നിക്കി 1.25ശതമാനവും ദക്ഷിണ കൊറിയയുടെ കോസ്പി ഒരുശതമാനവും താഴ്ന്ന് നഷ്ടത്തിലാകുകയായിരുന്നു.
Story Highlights: Market Investors lose huge amount as Sensex drops 587 points
