കണ്ണൂർ – യശ്വന്ത്പുർ എക്സ്പ്രസ് പാളം തെറ്റി.തമിഴ്നാട്ടിലെ മുട്ടാൻ പെട്ടി റെയിൽവേ സ്റ്റേഷന് സമീപത്ത് വെച്ച് ട്രെയിനിന്റെ രണ്ട് ബോഗികൾ പാളം തെറ്റുകയായിരുന്നു.
സംഭവത്തിൽ ആർക്കും തന്നെ പരിക്കേറ്റിട്ടില്ല.ഇന്ന് പുലർച്ചെ 3.30 മണിയോടെയായിരുന്നു സംഭവം.
കനത്ത മഴയെ തുടർന്ന് ട്രെയിനിന് മുകളിലേക്ക് പാറക്കെട്ട് ഇടിഞ്ഞുവീണതിനെ തുടർന്നാണ് അപകടം ഉണ്ടായത്.
വ്യാഴാഴ്ച വൈകിട്ട് കണ്ണൂരിൽ നിന്ന് പുറപ്പെട്ട് ഇന്ന് രാവിലെ 7.30 മണിയോടെ ബംഗളൂരുവിൽ എത്തേണ്ട ട്രെയിനാണ് ധർമ്മപുരി ജില്ലയിൽ വച്ച് പാളം തെറ്റി അപകടത്തിൽപ്പെട്ടത്.എഞ്ചിനും തൊട്ടടുത്തുള്ള ബോഗിയുമാണ് പാളം തെറ്റിയത്.
ആളപായം ഇല്ലാത്തതിനാൽ ബംഗളൂരുവിലേക്ക് പോകേണ്ട യാത്രക്കാർ മറ്റു വാഹനങ്ങളിൽ യാത്ര തുടർന്നുവെന്ന് റെയിൽവേ അധികൃതർ അറിയിച്ചു.
ബംഗളൂരു ഡിആർഎമ്മും സേലം ഡിആർഎമ്മും സ്ഥലത്തെത്തി പരിശോധന നടത്തിവരികയാണ്.
Story highlight : Kannur-Yesvantpur Express derails.
