എട്ടുവയസ്സുകാരന്‍ ഷോക്കേറ്റ് മരിച്ചു.

ഹൊസങ്കടി മൊറത്തണയിൽ മൊറത്തണ ഹൗസിൽ സദാശിവ ഷെട്ടിയുടെയും യശോദയുടെയും മകനായ നാലാം ക്ലാസ് വിദ്യാർഥി മോക്ഷിത്ത് രാജ് ഷെട്ടി (8)ഷോക്കേറ്റ് മരിച്ചു.

മൊറത്തണ ഗവ. യു.പി. സ്കൂൾ വിദ്യാർഥിയാണ് മോക്ഷിത്ത്.

ഇന്നലെ വൈകിട്ട് 5 മണിയോടെയായിരുന്നു സംഭവം.

വീടിനുസമീപത്തായി പണിയുന്ന വീട്ടിൽ കളിക്കുന്നതിനിടെയാണ് കുട്ടിക്ക് ഷോക്കേറ്റത്.

വീടിന്റെ മുകൾനിലയിലെ കൈയെത്തും ദൂരത്തുണ്ടായിരുന്ന വൈദ്യുതി കമ്പിയിൽ മോക്ഷിത്ത് സ്പർശിക്കുകയായിരുന്നു.

നാട്ടുകാർ ചേർന്ന് ഉടൻതന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

Story highlight :  Eight year old boy died of electric shock.