കോവിഡ് വാക്സിനേഷൻ നിരക്ക് കുത്തനെ കുറഞ്ഞതിൽ കേന്ദ്രസർക്കാരിനെ പരിഹസിച്ച് രാഹുൽഗാന്ധി. വാക്സിനേഷൻ എന്ന ഹാഷ്ടാഗിൽ ‘ചടങ്ങ് കഴിഞ്ഞു’ എന്ന അടിക്കുറിപ്പോടെ അദ്ദേഹം ട്വീറ്റ് ചെയ്യുകയായിരുന്നു.
പ്രധാനമന്ത്രിയുടെ പിറന്നാൾ ദിനത്തിൽ രണ്ടരക്കോടി ജനങ്ങൾക്കാണ് ഒറ്റ ദിവസത്തിൽ വാക്സിൻ നൽകിയത്. ഏറ്റവും കൂടുതൽ പേർക്ക് ഒറ്റദിവസംകൊണ്ട് വാക്സിൻ നൽകിയ രാജ്യം എന്ന ഖ്യാതിയും ഇന്ത്യ സ്വന്തമാക്കിയിരുന്നു. എന്നാൽ തൊട്ടടുത്ത ദിവസം വാക്സിനേഷൻ നിരക്ക് കുത്തനെ കുറയുകയായിരുന്നു.
Event ख़त्म! #Vaccination pic.twitter.com/S1SAdjGUA2
— Rahul Gandhi (@RahulGandhi) September 19, 2021
കഴിഞ്ഞ വെള്ളിയാഴ്ചയായിരുന്നു പ്രധാനമന്ത്രി നരേന്ദ്രമോദിയുടെ പിറന്നാൾ. മറ്റു ദിവസങ്ങളിലും വാക്സിനേഷൻ ഇതേ വേഗത്തിൽ പോകുമെന്ന് പ്രതീക്ഷിക്കുന്നതായി രാഹുൽഗാന്ധി ഉൾപ്പെടെയുള്ളവർ ട്വീറ്റ് ചെയ്തിരുന്നു.
Story Highlights: Rahul Gandhi about Vaccination Drive on PM’s Birthday.
