ദേശീയ ഖൊഖൊ വനിതാ താരം കൊല്ലപ്പെട്ടു.

ഉത്തര്പ്രദേശ്: ഖൊഖൊ വനിതാ ദേശീയ താരത്തെ റെയില്വേ സ്ലീപേഴ്സുകള്ക്കിടയിൽ മരണപ്പെട്ട നിലയിൽ കണ്ടെത്തി. വസ്ത്രങ്ങൾ കീറിയ അവസ്ഥയിലായിരുന്നു. പല്ലുകള് കൊഴിഞ്ഞതായും മുഖം ക്രൂരമായി ഉപദ്രവിക്കപ്പെട്ട നിലയിലുമായിരുന്നു മൃതദേഹം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കയര് ഉപയോഗിച്ച് കഴുത്തിന് ചുറ്റും മുറുക്കിയതായ പാടുകളുമുണ്ട്. വീടിന് 100 മീറ്റര് സമീപത്തായാണ് മൃതദേഹം ഉണ്ടായിരുന്നത് .മകള് ബലാത്സംഗത്തിനിരയായ ശേഷമാണ് കൊല്ലപ്പെട്ടതെന്ന് കുടുംബം ഉന്നയിക്കുന്നു.

മാതാപിതാക്കളുടെ പരാതിയെ തുടർന്ന് സംഭവത്തിൽ പോലീസ് കേസെടുത്തിട്ടുണ്ട്. ദലിത് വിഭാഗത്തിലുൾപ്പെട്ട താരം ദേശീയ തലത്തില് 2 സംസ്ഥാനങ്ങള്ക്കായി മത്സരിച്ചുട്ടുണ്ടെന്ന് ബേസിക് സ്പോര്ട്സ് എജുക്കേഷന് ഓഫിസര് അരവിന്ദ് അഹ്ലാവത്ത് പറയുന്നു.

മത്സരങ്ങള് കൂടാതെ സമീപത്തുള്ള സ്കൂൾ കുട്ടികൾക് പരിശീലനം നൽകിയും വരുമാനം കണ്ടെത്തിയിരുന്നു. വെള്ളിയാഴ്ച സ്വകാര്യ സ്കൂളില് ജോലിക്കായുള്ള അഭിമുഖത്തിനു പോയിരുന്ന താരം പിന്നീട് തിരിച്ചെത്തിയില്ല. തുടർന്ന് കുടുംബവും നാട്ടുകാരും ചേർന്ന് നടത്തിയ അന്വേഷണത്തിനോടുവിലാണ് റെയില്വേ ട്രാക്കില് നിന്നും മൃതദേഹം കണ്ടെത്തിയത്.

302, 376 വകുപ്പുകള് ചേര്ത്താണ് പോലീസ് കേസ് രജിസ്റ്റര് ചെയ്തിരിക്കുന്നത്. പോസ്റ്റ്മോര്ട്ടം റിപ്പോര്ട്ടില് നിന്നും ബലാത്സംഗം നടന്നതായുള്ള പ്രാഥമിക തെളിവുകൾ ലഭിച്ചിട്ടില്ലെന്ന് ബിജ്നോര് എസ്പി ധരംവീര് സിങ് പറഞ്ഞു.എന്നാൽ പോസ്റ്റ്മോര്ട്ടം റിപ്പോര്ട്ട് തെറ്റിദ്ധരിപ്പിക്കുന്നതാണെന്ന് താരത്തിന്റെ സഹോദരി ഉന്നയിച്ചു.

ഷാൻ റഹ്മാനെതിരെ വഞ്ചനാ കേസ്

“അവളുടെ വസ്ത്രം കീറിയ നിലയിലായിരുന്നു ശരീരത്തിൽ പാടുകളുമുണ്ട്. സ്പോര്ട്സ് താരമായത് കൊണ്ട് ഒരാള്ക്കൊന്നും അവളെ കീഴ്പ്പെടുത്താൻ കഴിയില്ല . ഒന്നിലധികം പേരുചേർന്നാണ് കുറ്റകൃത്യം നടത്തിയതെന്നും ” അവര് ചൂണ്ടിക്കാട്ടി.

Story highlight: National Kho-kho female player brutally murdered

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്