കൊച്ചി നഗരത്തിൽ വൻ ലഹരി മരുന്ന് വേട്ട. എക്സൈസും കസ്റ്റംസ് പ്രിവന്റീവ് വിഭാഗവും ചേർന്ന് നടത്തിയ പരിശോധനയിലാണ് ലഹരി സംഘം പിടിയിലായത്.
രണ്ടു സ്ത്രീകൾ ഉൾപ്പെടെയുള്ള 7 പേരിൽ നിന്നും ലക്ഷങ്ങൾ വിലവരുന്ന ലഹരി മരുന്നുകളായ എംഡിഎംഎ, എൽഎസ്ഡി, ലഹരിമരുന്ന് ഗുളികകൾ തുടങ്ങിയവ പിടിച്ചെടുത്തിട്ടുണ്ട്. ആകെ ഒരു കോടിയോളം രൂപ വിപണിയിൽ വിലമതിക്കുന്ന ലഹരിമരുന്നുകളാണ് ഇവയെന്ന് പോലീസ് വ്യക്തമാക്കി.
ഇവരുടെ ആഡംബര കാറും മൂന്ന് വിദേശയിനം നായകളെയും പോലീസ് പിടിച്ചെടുത്തു. ചെന്നൈയിൽ നിന്നാണ് ഇവർ ലഹരി മരുന്ന് എത്തിച്ചിരുന്നത് എന്ന് പോലീസ് പറഞ്ഞു. ഒരുപാട് പേർ ചേർന്ന് കുടുംബസമേതം എന്ന രീതിയിലാണ് അതിർത്തി കടക്കുന്നത്.
വിദേശ ഇനം നായകളെ കൊണ്ടുവരുന്നതാണെന്ന് പറഞ്ഞു ചെക്പോസ്റ്റിലെ ഉദ്യോഗസ്ഥരെ കബളിപ്പിക്കുകയാണ് പതിവ്. സ്ത്രീകളായിരുന്നു പലപ്പോഴും കാരിയറായി പ്രവർത്തിച്ചത്.
Story Highlights: Luxury cars and women to smuggle drugs
