കുട്ടനാട്ടിലെ കൈനകരി പഞ്ചായത്തിലെ റോഡരികിലുണ്ടായിരുന്ന വാഹനങ്ങൾ സാമൂഹിക വിരുദ്ധർ കത്തിച്ചു. റോഡരികിൽ പാർക്ക് ചെയ്തിരുന്ന കാറുകളും ബൈക്കുകളുമാണ് അജ്ഞാതർ കത്തിച്ചത്.
കുട്ടനാട്ടിൽ ആളുകൾ കരമാർഗ്ഗമുള്ള യാത്രാസൗകര്യങ്ങളുടെ അഭാവം കാരണം റോഡരികിൽ വണ്ടികൾ നിർത്തിയിടാറുണ്ട്. ഇന്ന് പുല‍ർച്ചയോടെ ബൈക്കിൽ എത്തിയ സംഘമാണ് വണ്ടികൾ ഈ രീതിയിൽ നശിപ്പിച്ചതെന്ന് നാട്ടുകാ‍ർ പറയുന്നു. ഒരു കാറും ബൈക്കും സ്കൂട്ടറും അടക്കം 6 വാഹനങ്ങൾ കത്തിച്ചതായാണ് വിവരം.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
വാഹനങ്ങൾ നി‍ർത്തിയിട്ടിരുന്ന സ്ഥലങ്ങളിലെ സ്ട്രീറ്റ് ലൈറ്റ് നശിപ്പിച്ചത്തിന് ശേഷമാണ് വാഹനങ്ങൾക്കെതിരെയുള്ള ആക്രമണം. സംഭവവുമായി ബന്ധപ്പെട്ട് നെടുമുടി, പുളിങ്കുന്ന് പോലീസ് അന്വേഷണം തുടരുകയാണ്.
Story highlight : Anti-socials set fire to six vehicles on the roadside in kuttanadu.
