നിസാമുദ്ദീൻ-തിരുവനന്തപുരം എക്സ്പ്രസ് ട്രെയിനിൽ നടന്ന കവർച്ചയ്ക്ക് പിന്നിലെ പ്രതിയെക്കുറിച്ച് സൂചനകൾ ലഭിച്ചതായി പോലീസ്. അഗ്സർ ബാഷയെന്ന കുപ്രസിദ്ധ മോഷ്ടാവാണ് കവർച്ചയ്ക്ക് പിന്നിലെന്നാണ് പോലീസിന്റെ നിഗമനം.
ഒപ്പം യാത്ര ചെയ്ത വിജയലക്ഷ്മി എന്ന സ്ത്രീ പ്രതിയെ തിരിച്ചറിഞ്ഞിട്ടുണ്ട്. സ്ത്രീകളെ ഭക്ഷണപാനീയം നൽകി മയക്കിക്കിടത്തിയായിരുന്നു കവർച്ച നടത്തിയത്.
അഗ്സർ ബാഷയെന്ന പ്രതി സമാനരീതിയിൽ കവർച്ച നടത്തുന്നത് പതിവാണെന്നും ഇതിനു മുമ്പും ഇത്തരം മോഷണം നടത്തിയിട്ടുണ്ടെന്നും പോലീസ് പറഞ്ഞു.
ഇന്നു പുലർച്ചയോടെയാണ് തിരുവല്ല സ്വദേശികളായ വിജയലക്ഷ്മി, മകൾ ഐശ്വര്യ, തമിഴ്നാട് സ്വദേശി കൗസല്യ എന്നിവരെ ബോധരഹിതരാക്കിയതിന് ശേഷം കവർച്ച നടത്തിയത്.
തിരുവല്ല സ്വദേശികളുടെ പത്ത് പവൻ സ്വർണവും മൊബൈൽ ഫോണുകളും തമിഴ്നാട് സ്വദേശിയുടെ ആഭരണങ്ങളും കവർന്നതായാണ് വിവരം.
Story Highlights: Picture of suspect in Train Robbery Released by police
