കനത്ത മഴയെ തുടർന്ന് ആന്ധ്രാപ്രദേശിലുണ്ടായ മഴക്കെടുതിയിൽ മരിച്ചവരുടെ എണ്ണം 17 ആയി.
വെള്ളപ്പൊക്കത്തിൽ 100 പേർ ഒലിച്ചു പോയതായാണ് റിപ്പോർട്ട്‌.വെള്ളപ്പൊക്കത്തിൽ കാണാതായവർ ക്ഷേത്രനഗരമായ തിരുപ്പതിയിൽ നിന്നുമുള്ള തീർഥാടകരാണ്.
തിരുപ്പതിയുടെ സമീപപ്രദേശത്തായുള്ള സ്വർണമുഖി നദി കരകവിഞ്ഞൊഴുകിയതോടെ മറ്റ് പുഴകളിലും ശക്തമായ ഒഴുക്ക് തുടരുകയാണ്.
പ്രളയം മൂലം ക്ഷേത്രം സ്ഥിതി ചെയ്യുന്ന തിരുമല മലനിരകളിലേക്കുള്ള റോഡും നടപ്പാതയും അടച്ച് പ്രവേശന വിലക്കേർപ്പെടുത്തിയിരിക്കുകയാണ്.
ഒട്ടേറേ പേർ വെള്ളപ്പൊക്കത്തിൽ അകപ്പെട്ടിട്ടുണ്ട്.
സ്ഥിതിഗതികൾ വിലയിരുത്തി വേണ്ട നടപടികൾ സ്വീകരിക്കാൻ സംസ്ഥാന ദുരന്തനിവാരണ സംഘങ്ങളെ ചുമതലപ്പെടുത്തിയിട്ടുണ്ട്.
രക്ഷാപ്രവർത്തനം പുരോഗമിക്കുകയാണ്.വെള്ളപ്പൊക്കത്തെ തുടർന്ന് റെയിൽ, റോഡ്, വ്യോമ ഗതാഗത സൗകര്യങ്ങൾ തടസപ്പെടുകയും ചെയ്തു.
Story highlight : 17 killed and 100 people missing in floods at Andhra Pradesh.
