കല്‍പറ്റ : പ്രണയം നിരസിച്ച വിദ്യാർഥിനിയെ കുത്തിപ്പരുക്കേൽപ്പിച്ച ശേഷം യുവാവ് ആത്മഹത്യയ്ക്ക് ശ്രമിച്ചു.
യുവാവിനെ പൊലീസ് കസ്റ്റഡിയിലെടുത്തിട്ടുണ്ട്.പാലക്കാട് മണ്ണാർക്കാട് സ്വദേശിയായ ദീപുവിനെയാണ് കസ്റ്റഡിയിലെടുത്തത്.
തിങ്കളാഴ്ച വൈകിട്ട് വയനാട് ലക്കിടിയിലെ സ്വകാര്യ കോളേജിന് സമീപത്തുവച്ചായിരുന്നു സംഭവം.
സുഹൃത്തുക്കൾക്കൊപ്പം നിൽക്കുകയായിരുന്ന വിദ്യാർത്ഥിനിയുടെ അടുത്തേക്ക് ബൈക്കിലെത്തിയ ദീപു വിദ്യാർഥിനിയുടെ മുഖത്ത് കുത്തി പരുക്കേൽപ്പിക്കുകയായിരുന്നു.
പുല്‍പള്ളി മുള്ളന്‍കൊല്ലി സ്വദേശിയായ രണ്ടാം വര്‍ഷ ബിരുദ വിദ്യാര്‍ഥിയാണ് ആക്രമണത്തിന് ഇരയായത്.
മുഖത്തും കൈയ്ക്കും കുത്തേറ്റ പെണ്‍കുട്ടിയെ നാട്ടുകാർ ചേർന്നാണ് ആശുപത്രിയിൽ എത്തിച്ചത്.
ആക്രമണത്തിനുശേഷം ദീപു കൈയിലെഞരമ്പ് മുറിച്ച് ആത്മഹത്യയ്ക്കു ശ്രമിച്ചു. ഇരുവരെയും വൈത്തിരി താലൂക്ക് ആശുപത്രിയിലാണ് പ്രവേശിപ്പിച്ചിരിക്കുന്നത്.
ഇരുവരും ഫെയ്സ്ബുക് വഴിയാണ് പരിചയപ്പെട്ടത്.വിദ്യാർഥിനിയുടെ പരുക്ക് ഗുരുതരമല്ല.
Story highlight : Youth stabbed girl for refusing love and try to commit suicide in Wayanad.
