കൂത്തുപറമ്പ്: മദ്‌റസിയില്‍ പോകുകയായിരുന്ന 11 വയസ്സ്കാരനെ ബൈക്കില്‍ തട്ടിക്കൊണ്ടുപോയി പ്രകൃതിവിരുദ്ധ പീഡിനത്തിനിരയാക്കാന്‍ ശ്രമിച്ച യുവാവിനെ കൂത്തുപറമ്പ് പോലീസ് അറസ്റ്റ് ചെയ്തു.
മാലൂര്‍ ശിവപുരം സ്വദേശി കൊല്ലന്‍പറമ്പ് ഫൈസലാണ് (28) അറസ്റ്റിലായത്.ഈ മാസം 17 ആം തീയതിയാണ് കേസിനാസ്പദമായ സംഭവം നടന്നത്.
മദ്‌റസയിലേക്ക് പോകുകയായിരുന്ന ആൺകുട്ടിയെ പ്രതി ബൈക്കില്‍ കയറ്റി തട്ടിക്കൊണ്ടുപോയി ലൈംഗികമായി പീഡിപ്പിക്കാന്‍ ശ്രമിക്കവെ കുട്ടി രക്ഷപെടുകയായിരുന്നു.
തുടർന്ന് വീട്ടിലെത്തിയ കുട്ടി മാതാപിതാക്കളോട് പീഡനവിവരം പറയുകയും പ്രതിയെ ഇതേ സ്ഥലത്ത് വീണ്ടും കണ്ട കുട്ടി ബൈക്കിന്റെ നമ്പര്‍ കുറിച്ചെടുത്ത് പൊലീസിൽ ഏൽപ്പിക്കുകയുമായിരുന്നു.
കാസര്‍കോട് നീലേശ്വരം പൊലീസിന്റെ സഹായത്തോടെ നടത്തിയ അന്വേഷണത്തിലാണ് പ്രതിയെ പിടികൂടിയത്.
മദ്‌റസ അധ്യാപകനായിരുന്ന പ്രതിക്കെതിരെ 2015 ൽ മദ്‌റസാ വിദ്യാര്‍ത്ഥിയെ പീഡിപ്പിച്ച സംഭവത്തില്‍ നിലവിൽ പോക്‌സോ കേസുമുണ്ട്.
Story highlight : Young man arrested in unnatural torture case.
