ന്യൂഡൽഹി : സമൂഹമാധ്യമത്തിൽ വ്യാജ അക്കൗണ്ട് ഉണ്ടാക്കി സ്ത്രീയുടെ മോർഫ് ചെയ്ത നഗ്നചിത്രങ്ങൾ പ്രചരിപ്പിച്ച യുവാവ് പിടിയിൽ.
സംഭവത്തിൽ ജഗത് പുർ പുസ്ത നിവാസിയാണ് അറസ്റ്റിലായത്.ഇയാളുടെ ബന്ധുവിന്റെ ഭാര്യയാണ് സംഭത്തിലെ പരാതിക്കാരി.
എട്ടു മാസമായി വ്യാജ ഇൻസ്റ്റഗ്രാം അക്കൗണ്ടിലൂടെ ഇവരുടെ മോർഫ് ചെയ്ത നഗ്നചിത്രങ്ങൾ പ്രതി പ്രചരിപ്പിച്ചുകൊണ്ടിരിക്കുകയാണ്.കൂടാതെ ഇയാൾ സ്ത്രീയുടെ ഭർത്താവിന്റെ സുഹൃത്തുക്കൾക്കും ചിത്രങ്ങൾ അയച്ചിരുന്നു.
ഐപി അഡ്രസ് ഉപയോഗിച്ച് പൊലീസ് പ്രതിയെ പിടികൂടുകയും ഇയാളിൽ നിന്ന് മൊബൈൽ ഫോൺ പിടിച്ചെടുക്കുകയും ചെയ്തു.
പ്രതിയും സ്ത്രീയും തമ്മിൽ പ്രശ്നങ്ങൾ ഉണ്ടായിരുന്നുവെന്ന് പോലീസ് പറയുന്നു.
ഇവരുടെ കുടുംബങ്ങൾ തമ്മിൽ വസ്തു ഇടപാടുമായി ബന്ധപ്പെട്ട് പ്രശ്നങ്ങൾ ഉണ്ടായിരുന്നുവെന്നും ഇതിനെ തുടർന്നുണ്ടായ പ്രതികാരമാണ് പൊതുസമൂഹത്തിൽ അപമാനിക്കുന്ന രീതിയിലുള്ള പ്രചാരണം നടത്തുന്നതിലേക്ക് പ്രതിയെ വഴിതെളിച്ചതെന്നും പോലീസ് വ്യക്തമാക്കി.
Story highlight : Young man arrested for spreading morphed nude pictures of women on social media at Delhi.
