പൊള്ളലേറ്റ് ചികിത്സയിലായിരുന്ന യുവതി മരിച്ചു.

അങ്കമാലി : പൊള്ളലേറ്റതിനെ തുടർന്ന് മെഡിക്കൽ കോളേജ് ആശുപത്രിയിൽ ചികിത്സയിൽ കഴിഞ്ഞിരുന്ന കറുകുറ്റി തൈക്കാട് വീട്ടിൽ പരേതനായ കൃഷ്ണന്റെ മകൾ ബിന്ദു (38) മരണപ്പെട്ടു. ഒപ്പം പൊള്ളലേറ്റ സുഹൃത്തായ അങ്കമാലി സ്വദേശി മിഥുനെ (39) എറണാകുളം മെഡിക്കൽ സെന്റർ ആശുപത്രിയിൽ പ്രവേശിപ്പിച്ചിരിക്കയാണ്.ഈ മാസം 6 ആം തീയതിയാണ് ഇരുവർക്കും പൊള്ളലേറ്റത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബിന്ദു താമസിച്ചിരുന്ന കോക്കുന്നിലെ വാടകവീട്ടിൽ വെച്ചാണ് ഇരുവർക്കും പൊള്ളലേൽക്കുന്നത്. അടുപ്പിൽനിന്ന് തീ പടർന്നതായാണ് ബിന്ദുവിന്റെ മൊഴി. എന്നാൽ, മിഥുനെ ഭീഷണിപ്പെടുത്തുന്നതിനായി ബിന്ദു തന്റെ ദേഹത്ത് മണ്ണെണ്ണയൊഴിച്ച് ലാമ്പ് തെളിച്ചപ്പോൾ തീ അബദ്ധത്തിൽ പടർന്നു പിടിക്കുകയായിരുന്നുവെന്നാണ് പോലീസിന് അറിയാൻ കഴിഞ്ഞത്.

ഇതുതന്നെയാണ് മിഥുന്റെ മൊഴിയും. ബിന്ദുവിനെ രക്ഷപെടുത്താനുള്ള ശ്രമത്തിനിടയിൽ തനിക്കും പൊള്ളലേതായി മിഥുൻ പറഞ്ഞു. എന്നാൽ ബിന്ദുവിനെ മൂക്കന്നൂരിലെ സ്വകാര്യ ആശുപത്രിയിലെത്തിച്ച ശേഷം മിഥുൻ ഒളിവിൽ പോയിരുന്നു. ബിന്ദുവിനെ തൃശ്ശൂർ മെഡിക്കൽ കോളേജിലേക്ക് മാറ്റിയിരുന്നു.ഞായറാഴ്ച രാവിലെയോടെയാണ് മരണപ്പെട്ടത്. സംഭവവുമായി ബന്ധപ്പെട്ട് പോലീസ് അന്വേഷണം തുടരുകയാണ്.

രാഹുൽ മാങ്കൂട്ടത്തിനെതിരെ കൂടുതൽ വെളിപ്പെടുത്തലുമായി ട്രാൻസ്ജെൻഡർ യുവതി

Story highlight : woman had died in fire accident.

കേരളത്തിൽ സ്വര്ണവില കൂടി; ഒരു പവന് 73,840 രൂപ