ആലപ്പുഴ : സ്കൂൾവിട്ടു മടങ്ങിയ പെൺകുട്ടിയെ അഞ്ചംഗസംഘം പീഡിപ്പിച്ചതായി പരാതി.
തിങ്കളാഴ്ച ഉച്ചയ്ക്ക് ഒരുമണിയോടെ വീട്ടിലേക്കുമടങ്ങവേ അഞ്ചുപേർ ചേർന്ന് തന്നെ പീഡിപ്പിച്ചതായി പ്ലസ് ടു വിദ്യാർത്ഥിനിയാണ് രാമങ്കരി പോലീസിൽ പരാതിപ്പെട്ടത്.
പ്രതികളിലൊരാൾ ഉടുത്തിരുന്ന കൈലി കീറിയെടുത്തു പെൺകുട്ടിയുടെ കൈയും വായും കെട്ടിയശേഷം പീഡിപ്പിക്കുകയായിരുന്നുവെന്നാണ് പരാതിയിൽ പറയുന്നത്.പീഡിപ്പിച്ചവർ അജ്ഞാതരാണെന്നാണു പെൺകുട്ടിയുടെ മൊഴി.
എന്നാൽ,പെൺകുട്ടി നൽകിയ മൊഴിയുടെ അടിസ്ഥാനത്തിൽ പോലീസ് മുൻകൈയെടുത്തു നടത്തിയ വൈദ്യപരിശോധനയിൽ പീഡനം നടന്നതിന്റെ ലക്ഷണങ്ങൾ ഒന്നും തന്നെ കണ്ടെത്താൻ കഴിഞ്ഞിട്ടില്ല എന്നാണ് വിവരം.
പോലീസ് സംഭവസ്ഥലം പരിശോധിച്ച ശേഷം സി.സി.ടി.വി. ദൃശ്യം ശേഖരിക്കുകയും നാട്ടുകാരുടെ മൊഴി രേഖപ്പെടുത്തുകയും ചെയ്യുന്നുണ്ട്.
Story highlight : Student returned from school was molested by a group of five men.
