തിരുവനന്തപുരത്ത് മദ്യ ലഹരിയിൽ മകൻ അച്ഛനെ തല്ലി കൊന്നു.സംഭവത്തിൽ നേമം സ്വദേശി ഏലിയാസ് (80) ആണ് കൊല്ലപ്പെട്ടത്.
ഏലിയാസിന്റെ മകൻ ക്ലീറ്റസിനെ (52)പൊലീസ് കസ്റ്റഡിയിൽ എടുത്തിട്ടുണ്ട്‌.
നേമം പഴയ കാരയ്ക്കാമണ്ഡപം സെന്റ് ആന്റണീസ് ചർച്ചിന്റെ സമീപത്തായി ഇന്നലെ രാത്രിയോടെയാണ് സംഭവം നടന്നത്.
മദ്യപിച്ചെത്തിയ ക്ലീറ്റസ് അച്ഛൻ ഏലിയാസുമായി വാക്കു തർക്കത്തിൽ ഏർപ്പെടുകയും തുടർന്ന് അച്ഛനെ മർദിക്കുകയുമായിരുന്നു.
പരിക്കേറ്റ ഏലിയാസിനെ അയൽവാസികൾ ചേർന്നാണ് ആശുപത്രിയിൽ എത്തിച്ചത്.ഏലിയാസിന് കുത്തേറ്റിരുന്നതായും സൂചനയുണ്ട്.
മദ്യലഹരിയിൽ സംഭവിച്ച കൊലപാതകമാണെന്നും ക്ലീറ്റസ് സ്ഥിരം മദ്യപാനിയാണെന്നുമാണ് പോലീസിൽ നിന്ന് ലഭിക്കുന്ന വിവരം.പോസ്റ്റ് മോർട്ടം റിപ്പോർട്ട് ലഭിച്ചതിനുശേഷം മാത്രമേ കൂടുതൽ വിവരങ്ങൾ ലഭ്യമാകൂ എന്ന് പോലീസ് അറിയിച്ചു.
Story highlight : Son beat his father to death in Thiruvananthapuram.
