ബെംഗളൂരു: നടപ്പാതയിലേക്ക് കാർ പാഞ്ഞുകയറി തമിഴ്നാട് എംഎൽഎയുടെ മകനടക്കം ഏഴുപേർ മരണപ്പെട്ടു. ഡിഎംകെ നേതാവും ഹൊസൂർ എംഎൽഎയുമായ വൈ. പ്രകാശിന്റെ മകൻ കരുണസാഗറും ഭാര്യ ഡോ.ബിന്ദുവുമടക്കം 7 പേരാണ് മരണപ്പെട്ടത്.
ഇന്ന് പുലർച്ചെ 2 മണിക്ക് ബെംഗളൂരു കോറമംഗലയിലാണ് അപകടം ഉണ്ടായത്. ഇവർ സഞ്ചരിച്ചിരുന്ന കാർ നിയന്ത്രണം വിട്ട് നടപ്പാതയിലേക്ക് പാഞ്ഞു കയറി വൈദ്യുത പോസ്റ്റിലിടിച്ചു മറിയുകയായിരുന്നു. കാർ അമിത വേഗതയിലായിരുന്നു എന്നാണ് പ്രാഥമിക നിഗമനം.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
കാറിൽ യാത്ര ചെയ്തിരുന്ന ആരും തന്നെ സീറ്റ് ബെൽറ്റ്‌ ധരിച്ചിരുന്നില്ലെന്ന് പോലീസ് പറയുന്നു. മൂന്ന് സ്ത്രീകൾ അടക്കം 6 പേർ സംഭവസ്ഥലത്തും ഏഴാമത്തെയാൾ ആശുപത്രിയിൽവച്ചും മരണപ്പെടുകയായിരുന്നു.
Story highlight : Seven killed in car crash in Bangalore.
