മോഷണത്തിനിടെ കവർച്ചക്കാർ കടയുടമയെ കുത്തികൊലപ്പെടുത്തി.

മഹാരാഷ്ട്രയിലെ ബുൽധാന ജില്ലയിൽ മോഷണത്തിനിടെ കവർച്ചക്കാർ കടയുടമയെ കുത്തി കൊന്നു.

സംഭവത്തിൽ കടയുടമയായ കമലേഷ് പോപ്പാട്ട് എന്നയാളാണ് കൊല്ലപ്പെട്ടത്.

ഇലക്ട്രോണിക്‌സ് ഷോപ്പിനുള്ളിലും പുറത്തും സ്ഥാപിച്ചിരുന്ന സിസിടിവി ക്യാമറയിൽ നിന്നുമാണ് കൊലപാതകത്തിന്റെ ദൃശ്യങ്ങൾ ലഭിച്ചത്.

രാത്രി കടയടച്ച് കമലേഷ് വീട്ടിലേക്ക് പോകാനൊരുങ്ങവെ മുഖംമൂടി ധരിച്ച രണ്ട് പേർ കടയിലേക്ക് പ്രവേശിക്കുകയായിരുന്നു.

തുടർന്ന് പ്രതികളിലൊരാൾ ഉടമയുടെ അടുത്തേക്ക് വരുന്നതും അയാൾ തോക്ക് പുറത്തെടുത്ത് ഉടമയ്ക്ക് നേരെ ചൂണ്ടുന്നതും ദൃശ്യങ്ങളിൽ വ്യക്തമാണ്.

ഇതേസമയം മറ്റൊരു പ്രതി പിന്നിൽ നിന്ന് വാൾ പുറത്തെടുക്കുന്നതും ദൃശ്യങ്ങളിൽ കാണാം. 

അക്രമികളെ തടുക്കാൻ ശ്രമിക്കവെ പ്രതികൾ വാളുകൊണ്ട് ഉടമയെ കുത്തി കൊലപ്പെടുത്തുകയും തുടർന്ന് കടയിൽ നിന്ന് മോഷ്ടിച്ച പണവും മറ്റ് സാധനങ്ങളുമായി പ്രതികൾ രക്ഷപ്പെടുകയായിരുന്നു.

ആക്രമണത്തിന് ഇരയായ കടയുടമ രക്തംവാർന്ന് ഉടൻതന്നെ മരണപ്പെടുകയായിരുന്നു.
സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചതായി അറിയിച്ചു.

Story highlight :  Robbers stabbed the shopkeeper to death during the robbery.