സർജറിക്ക് സൂക്ഷിച്ച രണ്ടു ലക്ഷം രൂപയും എലി കരണ്ടതിനെ തുടർന്ന് സഹായഹസ്തവുമായി മന്ത്രി എത്തി. തെലങ്കാനയിലാണ് സംഭവം.
പച്ചക്കറി കച്ചവടക്കാരനായ ബൊക്കയ്യ റെഡ്യയുടെ പണമാണ് എലി കരണ്ടത്.
ആകെ നാല് ലക്ഷം രൂപയാണ് ഇദ്ദേഹത്തിന്റെ സര്‍ജറിയുടെ ചിലവ്. പച്ചക്കറി വിറ്റ വകയിൽ രണ്ട് ലക്ഷം രൂപയും മറ്റുള്ളവരിൽ നിന്ന് കടംവാങ്ങിയ രണ്ടു ലക്ഷം രൂപയുമാണ് അദ്ദേഹത്തിന്റെ പക്കൽ ഉണ്ടായിരുന്നത്.
കടം വാങ്ങിയ തുക ബാഗിലാക്കി വീട്ടിൽ സൂക്ഷിച്ചിരിക്കുകയായിരുന്നു. ഈ തുകയാണ് എലി കരണ്ടത്. പണം എലി കരണ്ടതോടെ എന്ത് ചെയ്യണം എന്നറിയാത്ത അവസ്ഥയിലായിരുന്നു ബൊക്കയ്യ.
ബാങ്ക് അധികൃതരെ സമീപിച്ചപ്പോൾ മാറ്റി നൽകാനാകില്ലെന്നും റിസർവ് ബാങ്കിൽ അന്വേഷിക്കാനും പറഞ്ഞു.
സംഭവം പുറത്തറിഞ്ഞതോടെയാണ് തെലുങ്കാനയിലെ ആദിവാസി-വനിതാ-ശിശുക്ഷേമ വകുപ്പ് മന്ത്രി സത്യവതി റാഥോഡ് സഹായഹസ്തവുമായി എത്തിയത്. സർജറിക്ക് ആവശ്യമായ എല്ലാ സഹായങ്ങളും ബോക്കയ്യയ്ക്ക് നൽകുമെന്ന് മന്ത്രി അറിയിച്ചു.
Story Highlights: rat destroyed money saved by a man for his surgery in telengana.
