Norka warns about fraudulent overseas job advertisements

വിദേശത്തെ തൊഴിലവസരങ്ങളും മറ്റ് നിക്ഷേപ അവസരങ്ങളും സംബന്ധിച്ച് സാമൂഹിക മാധ്യമങ്ങളിൽ പ്രചരിക്കുന്ന പരസ്യങ്ങളെക്കുറിച്ച് നോർക്ക ജാഗ്രതാ നിർദ്ദേശം പുറപ്പെടുവിച്ചു. വ്യാജ പരസ്യങ്ങൾ വഴി ഉദ്യോഗാർഥികളെ കബളിപ്പിക്കുന്നതായുള്ള പരാതികൾ വർധിച്ചു വരുന്ന സാഹചര്യത്തിലാണ് ഈ മുന്നറിയിപ്പ്. മണിച്ചെയിൻ, സ്റ്റുഡന്റ് വിസ ഓഫറുകൾ, സന്ദർശന വിസ വഴിയുള്ള റിക്രൂട്ട്മെന്റ് തുടങ്ങിയവയെക്കുറിച്ചും ജാഗ്രത പാലിക്കണമെന്ന് നോർക്ക അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റിക്രൂട്ട്മെന്റ് ഏജൻസികളുടെയും തൊഴിൽ നൽകുന്ന സ്ഥാപനങ്ങളുടെയും നിജസ്ഥിതി ഉറപ്പാക്കേണ്ടത് അത്യാവശ്യമാണ്. വിദേശകാര്യ മന്ത്രാലയത്തിന്റെ ഇ-മൈഗ്രേറ്റ് പോർട്ടൽ വഴി ഏജൻസികളുടെ അംഗീകാരം പരിശോധിക്കാം. എല്ലാ പരസ്യങ്ങളിലും ഏജൻസികളുടെ റിക്രൂട്ട്മെന്റ് ലൈസൻസ് നമ്പർ പ്രദർശിപ്പിക്കേണ്ടതാണ്.

പ്രത്യേക റിക്രൂട്ട്മെന്റ് ഡ്രൈവുകൾക്ക് കേന്ദ്ര വിദേശകാര്യ മന്ത്രാലയത്തിൽ നിന്നും മുൻകൂർ അനുമതി ആവശ്യമാണ്. വിദേശത്തെ തൊഴിൽ സ്ഥാപനങ്ങളുടെയും വിദ്യാഭ്യാസ സ്ഥാപനങ്ങളുടെയും ആധികാരികത അതത് രാജ്യത്തിലെ ഇന്ത്യൻ എംബസിയുമായോ ഇന്ത്യയിലെ അതത് രാജ്യങ്ങളുടെ എംബസികളുമായോ ബന്ധപ്പെട്ട് ഉറപ്പാക്കണം. കരിമ്പട്ടികയിൽ ഉൾപ്പെട്ടിട്ടുള്ള റിക്രൂട്ട്മെന്റ് ഏജൻസികളുടെ വിവരവും മറ്റ് യാത്രാ മുന്നറിയിപ്പുകളും ഇ-മൈഗ്രേറ്റ് പോർട്ടലിൽ ലഭ്യമാണ്.

എസ്കെഎൻ 40 കേരള യാത്ര: രണ്ടാം ഘട്ടം ഞായറാഴ്ച മലപ്പുറത്ത് നിന്ന്

തട്ടിപ്പിന് ഇരയാകുന്നവർ പ്രൊട്ടക്ടർ ഓഫ് എമിഗ്രന്റ്സിലും, നോർക്കയിലെ ഓപ്പറേഷൻ ശുഭയാത്രയിലും പരാതി നൽകണം. കൂടാതെ അടുത്തുള്ള പോലീസ് സ്റ്റേഷനിലും പരാതി നൽകേണ്ടതാണ്.

Story Highlights: Norka warns about fraudulent job advertisements and investment opportunities targeting expatriates

ജർമ്മനിയിൽ നഴ്സിങ് ജോലി: 250 ഒഴിവുകളിലേക്ക് നോർക്ക റൂട്ട്സ് അപേക്ഷ ക്ഷണിച്ചു