NORKA Workshop on Safe Overseas Employment for Women

വിദേശയാത്ര നടത്താൻ ആഗ്രഹിക്കുന്ന സ്ത്രീകൾക്ക് സുരക്ഷിതമായ കുടിയേറ്റത്തിനും നിയമപരമായ അവകാശങ്ങൾക്കും വേണ്ടിയുള്ള ബോധവൽക്കരണ പരിപാടി മാർച്ച് 7 ന് തിരുവനന്തപുരത്ത് നടക്കും. അന്താരാഷ്ട്ര വനിതാ ദിനത്തോടനുബന്ധിച്ച് നോർക്ക എൻആർകെ വനിതാ സെല്ലിന്റെ നേതൃത്വത്തിലാണ് ഈ വർക്ക്ഷോപ്പ് സംഘടിപ്പിക്കുന്നത്. കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസിന്റെ സഹകരണത്തോടെ തൈക്കാട് കിറ്റ്സ് ക്യാമ്പസ് ഹാളിൽ രാവിലെ 10 മുതൽ 12. 30 വരെയാണ് പരിപാടി. വിദേശത്ത് ജോലി ചെയ്യുന്നതിനോ പഠിക്കുന്നതിനോ പോകുന്ന സ്ത്രീകൾക്ക് അവരുടെ അവകാശങ്ങൾ സംബന്ധിച്ചും സുരക്ഷിതമായ തൊഴിൽ കുടിയേറ്റ നടപടിക്രമങ്ങൾ സംബന്ധിച്ചും ബോധവൽക്കരണം നൽകുക എന്നതാണ് വർക്ക്ഷോപ്പിന്റെ പ്രധാന ലക്ഷ്യം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ അജിത് കോളശ്ശേരി അധ്യക്ഷത വഹിക്കുന്ന ചടങ്ങിൽ നോർക്ക വകുപ്പ് സെക്രട്ടറി ഡോ. കെ വാസുകി മുഖ്യപ്രഭാഷണം നടത്തും. കിറ്റ്സ് ഡയറക്ടർ ഡോ. ദിലീപ് എം ആർ ആശംസകൾ അർപ്പിക്കും. ഇന്റർനാഷണൽ ഓർഗനൈസേഷൻ ഫോർ മൈഗ്രേഷൻ പ്രതിനിധി ഡോ.

എൽസ ഉമ്മൻ, ഇന്റർനാഷണൽ ലേബർ ഓർഗനൈസേഷൻ (ILO) നാഷണൽ പ്രോജക്ട് കോഓർഡിനേറ്റർ ഡോ. നേഹ വാധ്വാൻ എന്നിവർ വിവിധ വിഷയങ്ങളിൽ സംസാരിക്കും. മാധ്യമപ്രവർത്തകരും ലോകകേരള സഭാ പ്രതിനിധികളുമായ അനുപമ വെങ്കിടേശ്വരൻ, താൻസി ഹാഷിർ എന്നിവരും പരിപാടിയിൽ പങ്കെടുക്കും. നോർക്ക റൂട്ട്സ് ജനറൽ മാനേജർ രശ്മി റ്റി സ്വാഗതവും കിറ്റ്സ് പ്രിൻസിപ്പൽ ഡോ. ബി രാജേന്ദ്രൻ നന്ദിയും പറയും.

തിരുവനന്തപുരത്ത് സൗജന്യ ഫോട്ടോഗ്രാഫി, വീഡിയോഗ്രാഫി കോഴ്സുകൾ ആരംഭിക്കുന്നു

കേരളീയരായ സ്ത്രീകളുടെ സുരക്ഷിതമായ വിദേശ കുടിയേറ്റത്തിനും പ്രവാസികേരളീയരുടെ പരാതികളിൽ തുടർനടപടികൾ ഏകോപിപ്പിക്കുന്നതിനുമായുള്ള ഏകജാലക സംവിധാനമാണ് തൈക്കാട് നോർക്ക സെന്ററിൽ പ്രവർത്തിക്കുന്ന നോർക്ക എൻആർകെ വനിതാ സെൽ. വിദേശത്ത് തൊഴിൽ ചെയ്യുന്നതിനോ പഠിക്കുന്നതിനോ ആഗ്രഹിക്കുന്ന സ്ത്രീകൾക്ക് ഈ സെല്ലിന്റെ സേവനങ്ങൾ പ്രയോജനപ്പെടുത്താം. കൂടുതൽ വിവരങ്ങൾക്കോ പരാതികൾ അറിയിക്കുന്നതിനോ വനിതാ സെല്ലിന്റെ 0471-2770540, +91-9446180540 (വാട്സാപ്പ്) നമ്പറുകളിലോ womencell. norka@kerala. gov.

in എന്ന ഇ-മെയിലിലോ ബന്ധപ്പെടാം. 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802 012 345 (വിദേശത്തുനിന്നും, മിസ്ഡ് കോൾ സർവീസ്) എന്നിവയിലും ബന്ധപ്പെടാവുന്നതാണ്. ഈ വർക്ക്ഷോപ്പ് വിദേശയാത്ര ആഗ്രഹിക്കുന്ന സ്ത്രീകൾക്ക് വളരെ പ്രയോജനപ്രദമാകുമെന്ന് പ്രതീക്ഷിക്കുന്നു.

Story Highlights: NORKA is conducting a workshop on safe migration and legal awareness for women seeking overseas employment on March 7 in Thiruvananthapuram.

വി. ശിവൻകുട്ടിക്കെതിരെ സിറോ മലബാർ സഭ; പ്രസ്താവന ദുരുദ്ദേശപരമെന്ന് ആരോപണം

ആഗോള അയ്യപ്പ സംഗമത്തിലെ വിവാദങ്ങളിൽ പ്രതികരണവുമായി മുഖ്യമന്ത്രി പിണറായി വിജയൻ