മഹാരാഷ്ട്രയിലെ താനെ ജില്ലയിലെ രാംനഗറില്‍ അഞ്ചുവയസുകാരിയെ പീഡിപ്പിച്ച സംഭവത്തില്‍ പ്രദേശവാസിയായ ഇരുപതുകാരനെ പൊലീസ് അറസ്റ്റ് ചെയ്തു.
നവംബർ 14 ആം തീയതിയാണ് കേസിനാസ്പദമായ സംഭവം.വീടിന് പുറത്ത് കളിച്ചു കൊണ്ടിരിക്കുകയായിരുന്ന അഞ്ചുവയസുകാരിയെ സമീപവാസിയായ യുവാവ് കുട്ടിയെ ചോക്ലേറ്റ് നൽകി ആളൊഴിഞ്ഞ പ്രദേശത്തേക്ക് കൊണ്ടുപോയി പീഡിപ്പിക്കുകയായിരുന്നു.
ശാന്തി നഗര്‍ പൊലീസ് സ്റ്റേഷന്‍ പരിധിയിലാണ് സംഭവം നടന്നത്.കുട്ടിയുടെ പെരുമാറ്റത്തിലുണ്ടായ അസ്വഭാവികത ശ്രദ്ധയിൽപ്പെട്ടതോടെ മാതാപിതാക്കൾ വിവരം ചോദിച്ചതോടെയാണ് കുട്ടിയിൽ നിന്നും പീഡന വിവരം പുറത്തറിയുന്നത്.ഇതോടെ മാതാപിതാക്കൾ പൊലീസിൽ പരാതിപ്പെടുകയായിരുന്നു.
ഇതേസമയം ഒളിവിൽ പോയ പ്രതിയെ പൊലീസ് നടത്തിയ അന്വേഷണത്തിനൊടുവില്‍ കഴിഞ്ഞ ദിവസമാണ് പിടികൂടിയത്.
ഇയാള്‍ക്കെതിരെ പോക്‌സോ നിയമപ്രകാരവും ഐപിസി സെക്ഷൻ 376 പ്രകാരവും കേസെടുത്തിട്ടുണ്ട്‌.
Story highlight : Man arrested for molesting five year old girl.
