ഓയൂർ: പതിമൂന്ന് വയസുകാരിയെ പീഡിപ്പിച്ച യുവാവ് പോലീസ് പിടിയിൽ.പാരിപ്പള്ളി വേളമാനൂർ പൂവത്തൂർ രാജേഷ് ഭവനിൽ ശ്യാം കുമാറിനെ (26)യാണ് പോലീസ് അറസ്റ്റ് ചെയ്തത്.
ഫേസ്ബുക്ക് വഴി പരിചയപ്പെട്ട ഓയൂർ സ്വദേശിയായ എട്ടാം ക്ലാസുകാരിയെയാണ് യുവാവ് പീഡനത്തിനു ഇരയാക്കിയത്.പെൺകുട്ടിക്ക് ഓൺലൈൻ പഠനത്തിനായി സ്‌കൂളിൽനിന്നും ലഭിച്ച ഫോണിൽ ഫെയ്‌സ്ബുക്കിലൂടെ ഇരുവരും സ്ഥിരമായി ചാറ്റുചെയ്യുകയും പ്രണയത്തിലാകുകയും ചെയ്തു.
കഴിഞ്ഞ ദിവസം ശ്യാം പെൺകുട്ടിയെ വിളിച്ച് തനിക്ക് പനിയാണെന്നും അത്യാവശ്യമായി കാണാമെന്നും ആവശ്യപ്പെടുകയായിരുന്നു. ഇതുപ്രകാരം പെൺകുട്ടി ഓയൂരിൽ നിന്നും ബസ് കയറി വേളമാനൂരെത്തി.
പെൺകുട്ടിയെ കാത്ത് നിന്നിരുന്ന ശ്യാം കുമാർ പെൺകുട്ടിയെ കണ്ടുമുട്ടിയ ശേഷം പീഡിപ്പിക്കുകയായിരുന്നു എന്നാണ് വിവരം.ബന്ധുക്കൾ നൽകിയ പരാതിയുടെ അടിസ്ഥാനത്തിൽ പോക്‌സോ കേസ് ചുമത്തിയാണ് പൂയ്യപ്പള്ളി പോലീസ് ഇയാളെ അറസ്റ്റ് ചെയ്തത്.
Story highlight : Man arrested for molesting 13 year old girl.
