മലപ്പുറത്ത് 12 കാരിയെ വർഷത്തോളം പീഡിപ്പിച്ച അമ്മയുടെ കാമുകൻ അറസ്റ്റിൽ.ഇയാൾ കോടതിയിൽ കീഴടങ്ങുകയായിരുന്നു.
പാലക്കാട് ചെർപ്പുളശ്ശേരി ചളവറ ചിറയിൽ വിനീഷ് ആണ് മഞ്ചേരി പോക്‌സോ സ്‌പെഷ്യൽ കോടതിയിൽ കീഴടങ്ങിയത്.
ദിവസങ്ങളായി പ്രതി ഒളിവിൽ കഴിയുകയായിരുന്നു.2019 ജനുവരി ഒന്ന് മുതൽ 2021 ജൂൺ 30 വരെയുള്ള 2 വർഷ കാലമായി ഇയാൾ വാടക വീടുകളിൽ വെച്ചാണ് പെൺകുട്ടിയെ പീഡിപ്പിച്ചിരുന്നത്.
ആനമങ്ങാടും വള്ളിക്കാപ്പറ്റയിലുമുള്ള വീടുകളിൽ വെച്ചാണ് പെൺകുട്ടി പീഡനത്തിനു ഇരയായത്.
പ്രായപൂർത്തിയാകാത്ത പെൺകുട്ടിയെ അമ്മയുടെ സമ്മതത്തോടെ ഇയാൾ പലതവണ പീഡിപ്പിച്ചിരുന്നു.
ഒക്ടോബർ 19-ന് കുട്ടി മലപ്പുറം വനിതാ പോലീസിൽ പരാതിപ്പെടുകയായിരുന്നു.
പ്രതിക്ക് കൂട്ട്നിന്നത് കുട്ടിയുടെ സ്വന്തം അമ്മ തന്നെയാണ്.പെൺകുട്ടി നൽകിയ പരാതിയിൽ അടുത്ത ദിവസം തന്നെ അമ്മയെ പോലീസ് അറസ്റ്റ് ചെയ്തിരുന്നു.
പെൺകുട്ടിയുടെ സംരക്ഷണം മുത്തശ്ശനും മുത്തശ്ശിയും ഏറ്റെടുത്തിട്ടുണ്ട്.പ്രതി റിമാൻഡിലാണ്.
Story highlight : Man arrested for molesting 12 year old girl at Malappuram.
