വൻ സ്വർണവേട്ട ; കരിപ്പൂർ വിമാനത്താവളത്തിൽ നിന്നും 3.71 കോടി രൂപ വില മതിക്കുന്ന സ്വർണം പിടിച്ചെടുത്തു.

കരിപ്പൂർ വിമാനത്താവളത്തിൽ വിപണിയിൽ 3.71 കോടി രൂപ വിലമതിക്കുന്ന 7.5 കിലോ സ്വർണം അഞ്ച് പേരിൽ നിന്നായി പിടികൂടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഭവത്തിൽ വളയം സ്വദേശി ബഷീർ , കൂരാച്ചുണ്ട് സ്വദേശി ആൽബിൻ തോമസ്, ഓർക്കാട്ടേരി സ്വദേശി നാസർ,തൃശ്ശൂർ വേലൂത്തറ സ്വദേശി നിതിൻ ജോർജ്,കാസർകോട് സ്വദേശി അബ്ദുൾ ഖാദർ സായ അബ്ദുൽ റഹ്മാൻ ശരിയാണ് പോലീസ് അറസ്റ്റ് ചെയ്തത്.

ഡി ആർ ഐ നൽകിയ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ ബോർഡ് പെട്ടിയുടെ ഉള്ളിൽ രണ്ട് അടരുകൾക്ക് ഇടയിലായി മിശ്രിതരൂപത്തിൽ തേച്ച് കടത്താൻ ശ്രമിച്ച സ്വർണം കണ്ടെത്തുകയായിരുന്നു.

കേസിൽ ദുബായിൽ നിന്നുള്ള Ix 346 വിമാനത്തിലെ യാത്രക്കാരായ മൂന്ന് പേരാണ് അറസ്റ്റിലായത്.

പിടിയിലായ ബഷീർ കടത്താൻ ശ്രമിച്ചത് വിപണിയിൽ 80.50 ലക്ഷം രൂപ വിലവരുന്ന 1628 ഗ്രാം സ്വർണം ആണ്.

ആൽബിൻ തോമസിൽ നിന്ന് പിടിച്ചെടുത്തത് വിപണിയിൽ 83.76 ലക്ഷം രൂപ വില വരുന്ന 1694 ഗ്രാം തൂക്കമുള്ള സ്വർണമാണ്.

മെഡിക്കൽ കോളേജിലെ അനാസ്ഥ: ആൻജിയോഗ്രാം ലിസ്റ്റിൽ നിന്ന് ഒഴിവാക്കിയെന്ന് വേണുവിന്റെ ശബ്ദസന്ദേശം

നാസറിൽ നിന്നും 84.76 ലക്ഷം രൂപ വിലമതിക്കുന്ന 1711 ഗ്രാം സ്വർണമാണ് പിടിച്ചെടുത്തത്.

ദുബായിൽ നിന്നുള്ള FZ419 വിമാനത്തിലെ യാത്രക്കാരനായ തൃശ്ശൂർ വേലൂത്തറ സ്വദേശി നിതിൻ ജോർജിൽ നിന്നും 1114 ഗ്രാം സ്വർണ മിശ്രിതം അടിവസ്ത്രത്തിന് ഉള്ളിലും 1170 ഗ്രാം മിശ്രിത രൂപത്തിൽ ഉള്ള സ്വർണം ക്യാപ്സൂളുകളിൽ ആക്കി ശരീരത്തിന് ഉള്ളിലും ഒളിപ്പിച്ച നിലയിൽ ആകെ 2284 ഗ്രാം സ്വർണ മിശ്രിതം ആണ് പിടിച്ചെടുത്തത്.

ഷാർജയിൽ നിന്നുള്ള W9 0452 വിമാനത്തിലെ യാത്രക്കാരൻ ആയ കാസർകോട് സ്വദേശി അബ്ദുൾ ഖാദർ സായ അബ്ദുൽ റഹ്മാനിൽ നിന്നും അടിവസ്ത്രത്തിനുളളിൽ ഒളിപ്പിച്ച് കടത്താൻ ശ്രമിച്ച 676 ഗ്രാം സ്വർണ മിശ്രിതം ആണ് കണ്ടെടുത്തത്.

Story highlight : Gold worth Rs 3.71 crore seized from Karipur airport.

കൊച്ചിയിൽ ഉറങ്ങിക്കിടന്ന ആളെ തീ കൊളുത്തി കൊലപ്പെടുത്താൻ ശ്രമം; ഒരാൾ അറസ്റ്റിൽ