കാർട്ടൂൺ നെറ്റ്‌വർക്ക് (സിഎൻ) എന്ന പേര് കേൾക്കുമ്പോൾ, പ്രത്യേകിച്ച് 90കളിലെ കുട്ടികൾക്ക് ഒരു വലിയ നൊസ്റ്റാൾജിക് അനുഭവമാണ് ഉണ്ടാകുന്നത്. കുട്ടികൾക്കിടയിൽ കാർട്ടൂണുകളെ അത്യന്തം ജനപ്രിയമാക്കിയ ടെലിവിഷൻ ചാനലായിരുന്നു ഇത്. ടോം ആൻഡ് ജെറി, ബെൻ10, മിസ്റ്റർ ബീൻ തുടങ്ങി നിരവധി ഹിറ്റ് കാർട്ടൂണുകൾ സിഎൻ നമ്മുടെ മുന്നിലേക്ക് എത്തിച്ചു. എന്നാൽ ഒടിടി പ്ലാറ്റ്ഫോമുകളുടെ വരവോടെ ഇത്തരം ചാനലുകളുടെ പ്രേക്ഷകരുടെ എണ്ണത്തിൽ ഗണ്യമായ കുറവുണ്ടായി.
അടുത്തിടെ, കാർട്ടൂൺ നെറ്റ്‌വർക്കിനെ കുറിച്ചുള്ള ചില പോസ്റ്റുകൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. ചാനൽ സംപ്രേഷണം അവസാനിപ്പിച്ചുവെന്നും, കുട്ടിക്കാലത്ത് നൽകിയ മധുരമായ ഓർമകൾക്ക് നന്ദി പറയുന്നതുമായ പോസ്റ്റുകളാണ് ഇവ. ഇത് കണ്ട് നിരവധി പേർ ഈ വാർത്ത ഏറ്റെടുത്തു. ഇതോടെ ചാനൽ സംപ്രേഷണം അവസാനിപ്പിച്ചുവെന്ന തരത്തിലുള്ള വിവരങ്ങൾ സമൂഹമാധ്യമങ്ങളിൽ വേഗത്തിൽ പ്രചരിക്കാൻ തുടങ്ങി.
എന്നാൽ യാഥാർത്ഥ്യം എന്താണ്? സിഎൻ സംപ്രേഷണം അവസാനിപ്പിച്ചോ? ഇല്ല, അതാണ് ഈ ചോദ്യത്തിനുള്ള കൃത്യമായ ഉത്തരം. ചാനൽ ഇതുവരെ സംപ്രേഷണം നിർത്തിയിട്ടില്ല. എന്നാൽ, ചാനലിന്റെ ഔദ്യോഗിക വെബ്സൈറ്റ് ഇപ്പോൾ പ്രവർത്തനം അവസാനിപ്പിച്ചിട്ടുണ്ട്. ഇതാണ് ചാനൽ സംപ്രേഷണം നിർത്തിയെന്ന തെറ്റിദ്ധാരണയ്ക്ക് കാരണമായത്.
32 വർഷത്തിന് ശേഷമാണ് കാർട്ടൂൺ നെറ്റ്‌വർക്കിന്റെ വെബ്സൈറ്റ് പ്രവർത്തനം അവസാനിപ്പിക്കുന്നത്. ഡിജിറ്റൽ കണ്ടന്റുകൾക്കാണ് സിഎൻ ഇപ്പോൾ കൂടുതൽ പ്രാധാന്യം നൽകുന്നത്. അതുകൊണ്ടുതന്നെ മാതൃ കമ്പനിയുടെ സ്ട്രീമിങ് പ്ലാറ്റ്ഫോമായ മാക്സിലേക്ക് സിഎൻ കണ്ടന്റുകൾ ഏകോപിപ്പിക്കാനാണ് കമ്പനി ശ്രമിക്കുന്നത്. ഇതിന്റെ ഭാഗമായാണ് സിഎൻ തങ്ങളുടെ ഔദ്യോഗിക വെബ്സൈറ്റ് പ്രവർത്തനം അവസാനിപ്പിച്ചത്.
ചാനൽ സംപ്രേഷണം അവസാനിപ്പിച്ചതായി വ്യാപക പ്രചാരണം നടക്കുന്നതിനിടെ, കാർട്ടൂൺ നെറ്റ്‌വർക്ക് തന്നെ നേരിട്ട് ഈ വിഷയത്തിൽ പ്രതികരിച്ചിരുന്നു. ചാനൽ സംപ്രേഷണം അവസാനിപ്പിച്ചുവെന്ന വാർത്ത അടിസ്ഥാനരഹിതമാണെന്ന് അവർ വ്യക്തമാക്കി. യൂട്യൂബ്, ഇൻസ്റ്റഗ്രാം, ഫേസ്ബുക്ക് തുടങ്ങിയ സോഷ്യൽ മീഡിയ പ്ലാറ്റ്ഫോമുകൾ വഴി ആരാധകരുമായി ആശയവിനിമയം തുടരുമെന്നും ചാനൽ അറിയിച്ചു. വാർണർ ബ്രദേഴ്സാണ് സിഎൻ ചാനലിന്റെ മാതൃ കമ്പനി. മുൻപ് കോമഡി സെൻട്രൽ, ടിവി ലാൻഡ് തുടങ്ങിയ ചാനലുകളുടെ വെബ്സൈറ്റുകളും കമ്പനി സമാന രീതിയിൽ നിർത്തിയിരുന്നു.
Story Highlights: Cartoon Network clarifies it’s not shutting down, only website closure led to rumors
അന്താരാഷ്‌ട്ര അനിമേഷൻ വാരാഘോഷത്തിന്റെ ഭാഗമായി തിരുവനന്തപുരം ടെക്നോപാർക്കിൽ സൗജന്യ ശില്പശാല നടന്നു. യൂനെസ്കോ Read more
ട്വന്റിഫോർ പ്രേക്ഷകരുടെ ആലപ്പുഴ ജില്ലാ സമ്മേളനം ഇന്ന് പുന്നമടയിലെ ഹോട്ടൽ റമദയിൽ നടക്കും. Read more
മാധ്യമപ്രവർത്തകയും അവതാരകയുമായിരുന്ന ആർ.ജെ ലാവണ്യ (41) അന്തരിച്ചു. ദുബായിലെ റേഡിയോ കേരളത്തിൽ അവതാരകയായിരുന്നു. Read more
പത്തനംതിട്ടയിലെ തുമ്പമൺ സഹകരണബാങ്ക് തെരഞ്ഞെടുപ്പുമായി ബന്ധപ്പെട്ട സംഘർഷത്തിൽ പരിക്കേറ്റവരെ സന്ദർശിക്കാനെത്തിയ പ്രതിപക്ഷ നേതാവിനോട് Read more
കേരള വിഷൻ ഉപയോക്താക്കൾക്ക് ഓട്ടോ ട്യൂൺ സംബന്ധിച്ച് മുന്നറിയിപ്പ് നൽകിയിരിക്കുകയാണ്. വെള്ളിയാഴ്ച നടക്കുന്ന Read more
മാധ്യമപ്രവർത്തകൻ എം ആർ സജേഷിന്റെ അകാല വിയോഗം മാധ്യമലോകത്തിന് കനത്ത നഷ്ടമായി. കരൾ Read more
അമ്മയുടെ പൊതുയോഗത്തിൽ മാധ്യമപ്രവർത്തകരോടുള്ള മോശം പെരുമാറ്റത്തിൽ സിദ്ദിഖ് മാപ്പ് പറഞ്ഞു. സംഭവത്തിൽ ഖേദം Read more
ട്വന്റിഫോർ പ്രേക്ഷകരുടെ മലപ്പുറം ജില്ലാ സമ്മേളനത്തിൽ നൽകിയ വാഗ്ദാനം പാലിച്ച് ചാനൽ ഒരു Read more
