തൃശ്ശൂർ:വിദേശമദ്യ വിൽപ്പനശാലകളുടെ എണ്ണം സംസ്ഥാനത്ത് ആറിരട്ടി വർധിപ്പിക്കാൻ ശുപാർശ. തിരക്കേറിയ വിൽപ്പനകേന്ദ്രങ്ങളിൽ കൗണ്ടറുകളുടെ എണ്ണം കൂട്ടുന്നതിനും കൗണ്ടറുകൾ പ്രവർത്തനസമയം മുഴുവൻ തുറക്കാനും ശുപാർശയുണ്ട്. ഇതിനുതയ്യാറാകാത്ത ഉദ്യോഗസ്ഥർക്കെതിരേ നടപടിയെടുക്കണമെന്നും പറഞ്ഞിട്ടുണ്ട്.
നിലവിൽ സംസ്ഥാനത്തുള്ളത് ബിവറേജസ് കോർപ്പറേഷന്റെ 270 മദ്യവിൽപ്പനശാലകളും കൺസ്യൂമർഫെഡിന്റെ 39 വിൽപ്പനശാലകളുമാണ്. 17,000 പേർക്ക് ഒരു വിദേശമദ്യ ചില്ലറവിൽപ്പനശാലയെന്ന നിലയിൽ തമിഴ്നാട്, കർണാടക, ആന്ധ്രാപ്രദേശ് തുടങ്ങിയ സംസ്ഥാനങ്ങളിൽ മദ്യശാലകൾ തുറക്കുമ്പോൾ ഒരുലക്ഷം പേർക്ക് കേരളത്തിൽ ഒരു വിൽപ്പനശാലയേയുള്ളൂവെന്ന കാരണം ചൂണ്ടികാട്ടിയാണ് എണ്ണം കൂട്ടാനുള്ള ശുപാർശ.
വിൽപ്പനശാലകൾ കൂട്ടുകവഴി മദ്യ ഉപഭോഗം പ്രോത്സാഹിപ്പിക്കുകയെന്നത് അർഥമാക്കുന്നില്ല.മറിച്ച് ഉപഭോക്താക്കളുടെ സൗകര്യം മെച്ചപ്പെടുത്തി സാമൂഹിക-സാംസ്കാരിക അന്തസ്സ് മെച്ചപ്പെടുത്തുക എന്നതാണ് ലക്ഷ്യം.
Story highlight :Recommendation to increase the number of foreign liquor stores.
