അന്ധവിശ്വാസത്തെ തുടർന്ന് ഒരു കൂട്ടം ആളുകൾ ഉത്തർപ്രദേശിൽ മൂന്നുവയസുകാരനെ ബലികൊടുത്തു.
ഉത്തർപ്രദേശിലെ ചമ്പൽ മേഖലയിൽ നിന്ന് പോലീസ് കുട്ടിയുടെ മൃതദേഹം കണ്ടെടുത്തു. ഗ്രാമവാസികളാണ് പോലീസിനെ വിവരം അറിയിച്ചത്.
ഗുരുപൂർണ്ണിമ ദിവസം രാത്രിയാണ് ഒരു സ്ത്രീയും നാലു പുരുഷന്മാരും ചേർന്ന് അന്ധവിശ്വാസത്തിന്റെ പേരിൽ മൂന്നുവയസുകാരന്റെ ജീവനെടുത്തത്. ആഭിചാരക്രിയകൾക്കു ശേഷം കൊല നടത്തി മൃതദേഹം മറവ് ചെയ്തു.
സംഭവസ്ഥലത്തുനിന്ന് ശൂലവും പൂജാ സാധനങ്ങളും കണ്ടെടുത്തു. അതേസമയം മരിച്ച കുട്ടിയെ ഇതുവരെ തിരിച്ചറിഞ്ഞിട്ടില്ല.
പോസ്റ്റ്മോർട്ടം റിപ്പോർട്ട് വന്നതിനുശേഷം കൂടുതൽ നടപടികൾ സ്വീകരിക്കുമെന്ന് പോലീസ് പറഞ്ഞു. ഉത്തർപ്രദേശിലെ കാൺപൂരിലും കഴിഞ്ഞവർഷം സമാന സാഹചര്യത്തിൽ ഏഴുവയസുകാരിയെ കൊല്ലപ്പെട്ട നിലയിൽ കണ്ടെത്തിയിരുന്നു.
Story Highlights: Three year old sacrificed for black magic.
