തിരുവനന്തപുരം : വൃക്ക വിൽക്കാൻ തയ്യാറാകാത്തതിനെ തുടർന്ന് ഭാര്യയെ ക്രൂരമായി മർദ്ദിച്ച സംഭവത്തിൽ ഭർത്താവ് പിടിയിൽ.
ഭാര്യ സുജയുടെ പരാതിയെ തുടർന്ന് ഭർത്താവായ കോട്ടപ്പുറം സ്വദേശി സാജനെ പോലീസ് അറസ്റ്റ് ചെയ്തു.
വിഴിഞ്ഞത്താണ് സംഭവം.വിഴിഞ്ഞത്ത് വാടക വീട്ടിൽ താമസിക്കുകയായിരുന്ന ഇവർ സാമ്പത്തികമായി ബുദ്ധിമുട്ടുകൾ അനുഭവിച്ചിരുന്നു.
ദിവസങ്ങൾക്ക് മുൻപ് വീട്ടുടമസ്ഥൻ ഇവരോട് ഇറങ്ങിപ്പോവാൻ ആവശ്യപ്പെട്ടിരുന്നു.ഈ സാഹചര്യത്തിൽ സാജൻ തന്റെ ഭാര്യയോട് വൃക്ക വിൽക്കാൻ ആവശ്യപ്പെടുകയായിരുന്നു.
എന്നാൽ വൃക്ക വിൽക്കാൻ ഭാര്യ തയ്യാറാകാത്തതിനെ തുടർന്ന് ഭാര്യയെയും മക്കളെയും ഇയാൾ ക്രൂരമായി മർദ്ദിക്കുകയായിരുന്നു.
മർദ്ദന വിവരം പുറത്ത് പറയരുതെന്ന് ഭീഷണിപ്പെടുത്തി മർദ്ദിച്ചിരുന്നതായും സുജയുടെ പരാതിയിൽ പറയുന്നു.
ഇന്ന് ഉച്ചയോടെയാണ് പ്രതിയെ പോലീസ് കസ്റ്റഡിയിൽ എടുത്തത്.
Story highlight : Husband arrested for beating wife for refusing to sell kidney.
