കിളിമാനൂർ: മദ്യലഹരിയൽ വീടിനു തീയിട്ട് ഭാര്യയെയും മക്കളെയും കൊലപ്പെടുത്താൻ ശ്രമിച്ച യുവാവ് അറസ്റ്റിൽ.
സംഭവത്തിൽ മടവൂർ ചെങ്കോട്ടുകോണം, ചരുവിളവീട്ടിൽ സുനിലി(34)നെയാണ് പോലീസ് അറസ്റ്റ് ചെയ്തത്.
നിരവധി കേസുകളിലെ പ്രതിയാണ് ഇയാൾ.നവംബർ 19 ആം തീയതി രാത്രിയിലാണ് സംഭവം നടന്നത്.
സ്ഥിരം മദ്യപിച്ച് വീട്ടിലെത്തുന്ന സുനിൽ ഭാര്യയെയും മക്കളെയും മർദിക്കുകയും രാത്രിയിൽ ഇവരെ വീട്ടിൽനിന്ന് പതിവായി ഇറക്കി വിടുകയും ചെയ്യുമായിരുന്നു.
സംഭവദിവസവും ഇയാൾ മദ്യലഹരിയിലെത്തി വീട്ടിൽനിന്ന് ഭാര്യയെയും കുട്ടികളെയും ഇറക്കിവിടാൻ ശ്രമിക്കുകയും കുട്ടികളുടെ പുസ്തകങ്ങളും നോട്ടുബുക്കുകളും വസ്ത്രങ്ങളുമടക്കം കൂട്ടിയിട്ട് കത്തിക്കുകയും തുടർന്ന് വീടിന് തീ കൊളുത്തുകയുമായിരുന്നു.എന്നാൽ തീ പടർന്നതോടെ ഭാര്യയും മക്കളും പുറത്തേക്കോടി രക്ഷപ്പെടുകയായിരുന്നു.
വീട് പൂർണമായും കത്തിനശിച്ച നിലയിലാണ്.ഒളിവിലായിരുന്ന പ്രതിയെ പള്ളിക്കൽ എസ്.എച്ച്.ഒ. പി.ശ്രീജിത്തിന്റെ നേതൃത്വത്തിലുള്ള അന്വേഷണ സംഘം മടവൂരിൽനിന്നാണ് അറസ്റ്റു ചെയ്തത്.പ്രതിയെ കോടതി റിമാൻഡു ചെയ്തു.
Story highlight : Man arrested for trying to kill wife and children by setting fire to house.
