ഇടുക്കിയിലെ വിനോദ സഞ്ചാര കേന്ദ്രമായ പരുന്തുംപാറയിൽ നിന്നും മാരക മയക്കുമരുന്നായ എംഡിഎംഎ എക്സൈസ് പിടികൂടി.
സംഭവത്തിൽ രണ്ടുപേരെ പോലീസ് അറസ്റ്റ് ചെയ്തു.എറണാകുളത്ത് താമസിക്കുന്ന പെരുവന്താനം സ്വദേശി ഷെഫിന്‍ മാത്യൂ (32) കൊടുങ്ങല്ലൂര്‍ സ്വദേശി സാന്ദ്ര (20) എന്നിവരെയാണ് എക്സൈസ് പിടികൂടിയത്.
കുമളിയിലെ സ്വകാര്യ ഹോട്ടലില്‍ മുറിയെടുത്ത് താമസിച്ചിരുന്ന ഇരുവരും പരുന്തുംപാറ സന്ദര്‍ശിക്കാൻ പോയിരുന്നു.
ഇവിടെ വച്ച് ഇരുവരെയും സംശയാസ്‌പദമായി ശ്രദ്ധയിൽപ്പെട്ട എക്സൈസ് സംഘം നടത്തിയ പരിശോധനയിലാണ് കയ്യിൽ കരുതിയിരുന്ന നിരോധിത ലഹരി വസ്തു കണ്ടെത്തിയത്.
തുടർന്ന് നടത്തിയ ചോദ്യം ചെയ്യലിൽ താമസിച്ചിരുന്ന മുറിയിലും ലഹരി വസ്തുക്കൾ ഉണ്ടെന്ന് ഇരുവരും സമ്മതിക്കുകയായിരുന്നു.
ഹോട്ടൽ മുറിയിൽ നടത്തിയ പരിശോധനയിലും ലഹരി മരുന്ന് കണ്ടെത്തിയിരുന്നു.0.06 ഗ്രാം എംഡിഎംഎ യാണ് ഇവരിൽ നിന്നും പിടിച്ചെടുത്തത്.
ഇരുവരെയും കോടതിൽ ഹാജരാക്കുമെന്ന് എക്സൈസ് ഉദ്യോഗസ്ഥർ അറിയിച്ചു.
Story highlight : Excise arrested two persons with MDMA drug in Idukki Parunthumpara.
