ബെംഗളൂരു : ബിഹാർ സ്വദേശിയെ മകളുടെ സഹപാഠികൾ വീട്ടിൽ കയറി വെട്ടിക്കൊന്നു.
പിതാവിൽ നിന്നുള്ള നിരന്തര ലൈംഗിക പീഡനം സഹിക്കവയ്യാതെയാണ് സഹപാഠികളായ ആൺകുട്ടികളെ വിളിച്ചു വരുത്തി പിതാവിന്റെ കൊലപ്പെടുത്തിയതെന്ന് കോളജ് വിദ്യാർഥിനിയായ പെൺകുട്ടി വെളിപ്പെടുത്തി.
തിങ്കളാഴ്ച രാവിലെയോടെയായിരുന്നു സംഭവം.സംഭവത്തിൽ പെൺകുട്ടിയടക്കം 4 പേരെ പൊലീസ് കസ്റ്റഡിയിലെടുത്തിട്ടുണ്ട്.ഒരാളെക്കൂടി പിടികൂടാനുണ്ട്.
കാർഷിക സർവകലാശാല ജികെവികെ ക്യാംപസിൽ സെക്യൂരിറ്റി ജീവനക്കാരനായ ദീപക് കുമാർ സിങ്ങിനെ (46) യാണ് മകൾ ഉൾപ്പെട്ട സംഘം കൊലപ്പെടുത്തിയത്.2 ഭാര്യമാരുള്ള ദീപക്കിന്റെ ആദ്യ ഭാര്യ ബിഹാറിലാണ്.
കലബുറഗി സ്വദേശിനിയായ രണ്ടാം ഭാര്യയിൽ ഇയാൾക്ക് 2 പെൺമക്കളാണുള്ളത്.ഇതിൽ മൂത്തപെൺകുട്ടിയെയാണ് ദീപക് പീഡനത്തിന് ഇരയാക്കിയത്.
തിങ്കളാഴ്ച രാവിലെ മദ്യലഹരിയിൽ എത്തിയ ദീപക് പീഡനശ്രമം തുടർന്നപ്പോൾ പെൺകുട്ടി സുഹൃത്തുക്കളെ വിളിച്ചുവരുത്തുകയായിരുന്നു.
പിതാവ് പീഡിപ്പിക്കുന്ന വിവരം മുൻപ് അമ്മയോടു പറഞ്ഞിട്ടുണ്ടെന്നും ഇതിന്റെ പേരിൽ വഴക്ക് ഉണ്ടായതായും പെൺകുട്ടി പോലീസിന് മൊഴി നൽകി.
Story highlight : Teen arranges father’s murder to protest sexual harassment in Karnataka.
