കഴക്കൂട്ടത്ത് സിപിഐഎം നേതാവിന്റെ വീട് ഗുണ്ടകള്‍ അടിച്ചു തകര്‍ത്ത സംഭവത്തിൽ പുലയനാര്‍കോട്ട സ്വദേശികളായ 3 പേർ അറസ്റ്റിൽ.
ചന്തു, സമീര്‍, അന്‍ഷാദ്,എന്നിവരാണ് അറസ്റ്റിലായത്.ശനിയാഴ്ച രാത്രിയാണ് നെഹ്‌റു ജംഗ്ഷന്‍ ബ്രാഞ്ച് അംഗമായ ഷിജുവിന്റെ വീടിന് നേരെ ആക്രമണമുണ്ടായത്.
പ്രതിയായ ചന്തുവിനെ വാടക വീട്ടില്‍ നിന്നും ഇറക്കിവിട്ടതിന്റെയും ഇയാളുടെ ഭാര്യയെ ഷിജു ശല്യപ്പെടുത്തിയത്തിയാതിലുമുണ്ടായ വൈരാഗ്യമാണ് ആക്രമണത്തിലേക്ക് നയിച്ചത്.
ചന്തു ലഹരി ഇടപാടുകള്‍ നടത്തിയെന്ന പേരിലാണ് വാടക വീട്ടില്‍ നിന്ന് ഇറക്കിവിട്ടത് എന്നാണ് വീട്ടുടമയായ ഷിജുവിന്റെ വിശദീകരണം.
ശനിയാഴ്ച രാത്രി 11 മണിയോടെ ആയിരുന്നു ആക്രമണം ഉണ്ടായത്.ഷിജുവിന്റെ വീടിന് നേരെ ബോംബെറിഞ്ഞ അക്രമികള്‍ വാതിലുകള്‍ വാളുകൊണ്ട് വെട്ടി പൊളിക്കുകയായിരുന്നു.
Story highlight : 3 arrested for Attack against CPI (M) leader’s house.
