കാസര്‍കോട് നീലേശ്വരത്ത് ലോറിയില്‍ കടത്താൻ ശ്രമിച്ച 1800 ലധികം ലിറ്റര്‍ സ്പിരിറ്റും ഗോവന്‍ മദ്യവും പിടികൂടി.
സംഭവത്തിൽ ലോറി ഡ്രൈവറെ അറസ്റ്റ് ചെയ്തു.എക്സൈസ് സ്പെഷ്യല്‍ സ്ക്വാഡ് നടത്തിയ പരിശോധനയിലാണ് ഇത്രയധികം സ്പിരിറ്റും ഗോവൻ മദ്യവും കണ്ടെത്തിയത്.
ഗോവയില്‍ നിന്ന് തൃശൂരിലേക്ക് പെയിന്‍റുമായി വന്നിരുന്ന ലോറിയിൽ പെയിന്‍റ് പാത്രങ്ങള്‍ക്കിടയില്‍ ഒളിപ്പിച്ച നിലയിലായിരുന്നു സ്പിരിറ്റും മദ്യവും.
1890 ലിറ്റര്‍ സ്പിരിറ്റും 1323 ലിറ്റര്‍ ഗോവന്‍ മദ്യവുമാണ് സ്പെഷ്യല്‍ സ്ക്വാഡ് നടത്തിയ പരിശോധനയിൽ കണ്ടെത്തിയത്.
ലോറി ഡ്രൈവര്‍ മഞ്ചേരി സ്വദേശി സൈനുദ്ദീനാണ് അറസ്റ്റിലായത്.സ്പിരിറ്റ്‌ കടത്തുന്നുണ്ടെന്ന രഹസ്യവിവരത്തെ അടിസ്ഥാനത്തിലായിരുന്നു പരിശോധന.
സ്പിരിറ്റും മദ്യവും കടത്തുന്നതിനായി സഹായിച്ച ഗോവയിലുള്ളവരെക്കുറിച്ചും,
തൃശൂരിലെ കൂട്ടാളികളെക്കുറിച്ചും വിശദമായി അന്വേഷിക്കുമെന്നാണ് എക്സൈസിന്‍റെ നിലപാട്.
Story highlight : spirit seized from Kasaragod.
