കോട്ടയം: പാലായില്‍ പിതാവിന്റെ ആസിഡ് ആക്രമണത്തിന് ഇരയായ മകന്‍ മരിച്ചു. കാഞ്ഞിരത്തും കുന്നേല്‍ ഷിനു (31) ആണ് മരണപ്പെട്ടത്.
ആക്രമണത്തിൽ 71 ശതമാനം പൊള്ളലേറ്റ ഷിനു കോട്ടയം മെഡിക്കല്‍ കോളേജ് ആശുപത്രിയിൽ ചികിത്സയിൽ കഴിയുകയായിരുന്നു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
കഴിഞ്ഞ സെപ്റ്റംബർ 23 ആം തീയതിയാണ് പിതാവ് ഗോപാലകൃഷ്ണന്റെ ആസിഡ് ആക്രമണത്തിന് ഷിനു ഇരയായത്.
കുടുംബ വഴക്കാണ് ഈ ക്രൂരകൃത്യത്തിൽ അവസാനിച്ചത്.ചികിത്സയിലായിരുന്ന ഷിനു ഇന്ന് വെളുപ്പിന് അഞ്ച് മണിയോടെയാണ് മരണപ്പെട്ടത്.
സ്ഥിരമായി മദ്യപിച്ചെത്തുന്ന ഷിനു വീട്ടിൽ വഴക്കുണ്ടാക്കാറുണ്ടായിരുന്നു.ഇതേ തടുർന്നുണ്ടായ കലഹമാണ് ആക്രമണത്തിലേക്ക് വഴിതെളിച്ചത്.
സംഭവത്തിന് പിന്നാലെ ഗോപാലകൃഷ്ണൻ രക്ഷപ്പെട്ടുവെങ്കിലും പോലീസ് പിന്തുടർന്ന് പിടികൂടുകയായിരുന്നു.കേസിൽ ഇയാൾ റിമാൻഡിലാണ്.
Story highlight : Victim of the acid attack died in kottayam.
