പാലക്കാട് തീവണ്ടിയിൽ വൻ കുഴൽപ്പണ വേട്ട ; രണ്ട് പേർ അറസ്റ്റിൽ.

ട്രെയിനിൽ ഹൈദരാബാദിൽ നിന്നും കേരളത്തിലേക്ക് കടത്തിയ ഒന്നര കോടിയിലേറെ രൂപയുടെ കുഴൽപണം പിടികൂടി.

സംഭവത്തിൽ ഹൈദരാബാദ് സ്വദേശികളായ രാഘവേന്ദ്ര, അഹമ്മദ് എന്നിവരെയാണ് പിടിച്ചത്.

1,65,50,000 കോടി രൂപയാണ് ശബരി എക്സ്പ്രസ്സിൽ ഹൈദരാബാദിൽ നിന്നും കേരളത്തിലേക്ക് കടത്തിയത്.

ആന്ധ്രപ്രദേശിലെ ഗുണ്ടൂരിൽ നിന്നും ഷൊർണൂരിലേക്ക് ടിക്കറ്റെടുത്ത ഇവർ നാല് ബാഗുകളിലായാണ് പണം കടത്തിയത്. 

സ്വർണം വാങ്ങാൻ ആണ് കേരളത്തിൽ എത്തിയത് എന്ന് പ്രതികൾ മൊഴി നൽകി.

പ്രതികൾ വിശദമായ ചോദ്യം ചെയ്യലിന് വിധേയമാക്കി കൊണ്ടിരിക്കുകയാണെന്നും എവിടെ നിന്നാണ് സ്വർണം വാങ്ങുന്നത് എന്നും അന്വേഷിക്കുകയാണ് എന്നും ആർപിഎഫ് ഉദ്യോഗസ്ഥർ പറഞ്ഞു.

പ്രതികളെയും പിടിച്ചെടുത്ത പണവും ഇൻകം ടാക്സ് വിഭാഗത്തിന്  തുടർനടപടികൾക്കായി കൈമാറി.

Story highlight : Two arrested in black money case at Palakkad