കവളങ്ങാട് പഞ്ചായത്തിൻറെ വിവിധ ഭാഗങ്ങളിലായി ക്രിസ്ത്യൻ പള്ളികൾക്ക് നേരെയും രൂപക്കുടങ്ങൾക്ക് നേരെയുമുണ്ടായ ആക്രമണത്തിനൊടുവിൽ പ്രതി പോലീസിന്റെ പിടിയിലായി.
നേര്യമംഗലം കല്ലുങ്കൽ കളപ്പുരയ്ക്കൽ മനോജ് എന്ന സിജോ ആണ് പോലീസിൻറെ പിടിയിലായത്.
കഴിഞ്ഞ ആഴ്ചയാണ് ഇയാൾ പള്ളികൾക്ക് നേരെ ആക്രമണം നടത്തിയത്. സംഭവം നടന്ന സ്ഥലത്ത് പ്രത്യേക പോലീസ് സംഘങ്ങൾ ദിവസങ്ങളോളം ക്യാമ്പ് ചെയ്താണ് പ്രതിയെ പിടികൂടിയത്.
രാത്രി ഒറ്റയ്ക്ക് പലസ്ഥലങ്ങളിലായി കറങ്ങി നടന്ന് ആക്രമണം നടത്തിയ ഇയാൾക്ക് മാനസികാസ്വാസ്ഥ്യം ഉണ്ടെന്ന് പോലീസ് പറഞ്ഞു.
മൂവാറ്റുപുഴ ഡിവൈ.എസ്.പി എസ്. മുഹമ്മദ്‌ റിയാസ്, ഇന്‍സ്പെക്ടര്‍ കെ.ജി. ഋഷികേശന്‍ നായര്‍, എ.എസ്.ഐമാരായ എം.എസ്. ജയന്‍, മനാഫ്, സി.പി.ഒ മാരായ നിയാസുദ്ദിൻ ,ഷനിൽ എന്നിവർ ചേർന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്.
Story highlight : Middle aged man arrested for attacking church
