തിരുവനന്തപുരം : സുഹൃത്തിനൊപ്പം വീട്ടുജോലിക്കായി നിന്ന വീട്ടിൽ നിന്നും സ്വർണവും പണവും കവർന്ന കേസിൽ യുവതിയെ പോലീസ് അറസ്റ്റിൽ.
ശ്രീകാര്യത്ത് വീട്ടുജോലിക്കായി നിന്ന വീട്ടിൽ മോഷണം നടത്തിയ വിതുര ആനപ്പാറ തൈക്കാവിനു സമീപം തസ്മി മൻസിലിൽ തസ്മി (24), സുഹൃത്തായ മാങ്ങോട് പുതുശ്ശേരി ആര്യൻകുന്ന് അജ്മൽ മൻസിലിൽ അൽഫാസ് (26) എന്നിവരെയാണ് ശ്രീകാര്യം പോലീസ് അറസ്റ്റ് ചെയ്തത്.
പാങ്ങപ്പാറ സംഗീതനഗർ എസ്.എൻ.ആർ.എ.-2 അശ്വതി ഹൗസിൽ ഭുവനചന്ദ്രൻ നായരുടെ വീട്ടിൽനിന്നുമാണ് തസ്മി മോഷണം നടത്തിയത്.
വെള്ളിയാഴ്ച വൈകീട്ട് 5 മണിയോടെയായിരുന്നു മോഷണം നടന്നത്.ഒന്നര വയസ്സുള്ള കുഞ്ഞിന്റെ അരഞ്ഞാണവും മോതിരവുമടക്കം ഒൻപത് ഗ്രാം സ്വർണം മോഷ്ടിച്ചശേഷം ഇവർ ആറ്റിങ്ങലിലേക്ക് പോകുകയും തുടർന്ന് അവിടെത്തിയശേഷം അൽഫാസുമായി വാടകയ്ക്കെടുത്ത കാറിൽ കറങ്ങി നടക്കുകയുമായിരുന്നു.
മോഷ്ടിച്ച സ്വർണം സ്വർണക്കടയിൽ നിന്നും കണ്ടെത്തിയതായി പോലീസ് അറിയിച്ചു.പ്രതികളെ റിമാൻഡ് ചെയ്തു.
Story highlight : lady and friend arrested for robbery case in thiruvananthapuram.
