ഇന്ത്യയുടെ പ്രധാനമന്ത്രി നരേന്ദ്രമോദിക്ക് 71ആം പിറന്നാൾ ആശംസകൾ അർപ്പിച്ച് മലയാളത്തിന്റെ പ്രിയ താരങ്ങൾ.
‘ബഹുമാന്യനായ പ്രധാനമന്ത്രിക്ക് ജന്മദിനാശംസകൾ. ജീവിതത്തിലുടനീളം ആയുസ്സും ആരോഗ്യവും സന്തോഷവും വിജയവും സർവ്വേശ്വരൻ അനുഗ്രഹിക്കട്ടെ’ എന്ന് നടൻ മോഹൻലാൽ സോഷ്യൽ മീഡിയയിലൂടെ പങ്കുവെച്ചു.
‘ഉദയസൂര്യനെ പോലെ രാജ്യത്തിന്റെ സൂര്യൻ ജ്വലിക്കട്ടെയെന്നും ലോകത്തിന് മുന്നിൽ ഭാരതത്തിന്റെ യശസ്സ് ഉയർത്താൻ ഇനിയും സാധിക്കട്ടെയെന്നും’ സുരേഷ് ഗോപി സോഷ്യൽ മീഡിയയിൽ കുറിച്ചു.
മലയാളത്തിന്റെ മെഗാസ്റ്റാർ മമ്മൂട്ടിയും പ്രധാനമന്ത്രിയുടെ ചിത്രം പങ്കുവെച്ച് ജന്മദിനാശംസകൾ അറിയിച്ചിട്ടുണ്ട്. ‘സേവ ഓർ സമർപ്പൺ അഭിയാൻ’ എന്ന പേരിൽ മൂന്ന് ആഴ്ചകൾ നീണ്ട ആഘോഷ പരിപാടികളാണ് പ്രധാനമന്ത്രിയുടെ ജന്മദിനത്തെ തുടർന്ന് രാജ്യത്ത് സംഘടിപ്പിക്കുന്നത്.
Story Highlights: Birthday Wishes from actors to PM Narendra Modi.
