കൊല്ലം : മദ്യലഹരിയില്‍ സ്കൂട്ടര്‍ യാത്രികയോട് അപമര്യാദയായി പെരുമാറിയ എസ്ഐക്ക് സസ്പെന്‍ഷന്‍. കൊല്ലം ജില്ലയിലെ കുളത്തൂപ്പുഴ സ്റ്റേഷനിലെ എസ് ഐ ആണ് മദ്യലഹരിയിൽ സ്കൂട്ടര്‍ യാത്രികയോട് അപമര്യാദയായി ഇടപെട്ടത്. മദ്യലഹരിയിലായിരുന്ന എസ്ഐ വാഹനപരിശോധനയ്ക്കിടെ യുവതിയെ തടഞ്ഞ് നിര്‍ത്തി അസഭ്യം പറയുകയും ലൈസന്‍സ് തട്ടിപ്പറിക്കുകയും ചെയ്തുവെന്നാണ് പരാതി.
യുവതിയുടെ പരാതിയെ തുടർന്ന് കുളത്തൂപ്പുഴ സ്റ്റേഷനിലെ ഗ്രേഡ് എസ് ഐ അജിത്ത് കുമാറിനെ സസ്പെന്‍ഡ് ചെയ്തു. എസ് ഐ വാഹനപരിശോധനയെന്ന പേരില്‍ യുവതിയെ തടഞ്ഞ് നിര്‍ത്തി അപമാനിച്ചത് ഡ്യൂട്ടിയിലില്ലാതിരുന്ന സമയത്തായിരുന്നു. അന്വേഷണത്തില്‍ ഇയാള്‍ മദ്യലഹരിയിലായിരുന്നെന്ന് കണ്ടെത്തിയിരുന്നു. സംഭവത്തെ തുടർന്ന് കൊല്ലം റൂറല്‍ ജില്ലാ പൊലീസ് മേധാവിയാണ് എസ്ഐയെ സസ്പെന്‍ഡ് ചെയ്തുകൊണ്ടുള്ള ഉത്തരവിറക്കിയത്.
Story highlight : policeman suspended for misbehaving to scooter passenger.
