ജാർഖണ്ഡിലെ റാഞ്ചി ജില്ലയിലാണ് പെൺകുട്ടിയെ പ്രായപൂർത്തിയാകാത്ത ഏഴ് പ്രതികൾ ചേർന്ന് പീഡിപ്പിച്ചത്. സംഭവത്തിൽ നാല് പേരെ പോലീസ് അറസ്റ്റ് ചെയ്തു. മറ്റുള്ളവർക്കായി തിരച്ചിൽ തുടരുകയാണ്.
ഓഗസ്റ്റ് 26 ബുധനാഴ്ചയാണ് സംഭവം നടന്നത്. പെൺകുട്ടിക്ക് പരിചയമുള്ളയാളാണ് ഒരു പ്രതി. ഇയാൾ റൈഡിന് കൊണ്ടുപോകാമെന്ന് പെൺകുട്ടിയെ ധരിപ്പിച്ച് ബൈക്കിൽ കൊണ്ടുപോയി.
വിജനമായ സ്ഥലത്തെത്തിയതോടെ സുഹൃത്തുക്കളായ മറ്റ് ആറ് പേരെത്തി പെൺകുട്ടിയെ ബലമായി പീഡിപ്പിച്ചു. ശേഷം പരിചയമുള്ള പ്രതി പെൺകുട്ടിയെ വീട്ടിൽ എത്തിച്ചു.
വീട്ടിലെത്തിയ പെൺകുട്ടി ബന്ധുക്കളോട് കാര്യം തുറന്നു പറഞ്ഞതോടെയാണ് പീഡനവിവരം പുറത്തായത്. തുടർന്ന് ബന്ധുക്കൾ പോലീസിൽ വിവരമറിയിച്ചു. പിടിയിലായ നാലു പേർക്കെതിരെയും പോക്സോ കേസ് ചുമത്തി ജുവനൈൽ ഹോമിലയച്ചെന്ന് പൊലീസ് അറിയിച്ചു.
Story Highlights: girl raped by Seven minors in Jharkhand.
