സെപ്തംബർ മുതൽ സ്കൂളുകൾ തുറക്കാൻ ഒരുങ്ങി ഗുജറാത്ത് സർക്കാർ. 6, 7, 8 ക്ലാസുകളാണ് ആദ്യഘട്ടത്തിൽ സെപ്റ്റംബർ 2 മുതൽ തുറക്കാൻ ഉദ്ദേശിക്കുന്നത്. ഗുജറാത്ത് വിദ്യാഭ്യാസ മന്ത്രിയാണ് ഇക്കാര്യം പുറത്തുവിട്ടത്.
കഴിഞ്ഞ വർഷം മാർച്ചിൽ അടച്ചതിന് ശേഷം ഈ വർഷം ജനുവരിയിൽ 10,12 ക്ലാസ്സുകളും ബിരുദാനന്തരബിരുദ കോഴ്സുകളും ആരംഭിച്ചിരുന്നു. ഏപ്രിൽ ആദ്യ പകുതിയിൽ കോവിഡ് രണ്ടാം തരംഗം ശക്തിപ്പെട്ടതോടെ സ്കൂളുകൾ അടക്കേണ്ടതായി വന്നു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
അതേസമയം ഈ മാസം 17 മുതൽ മഹാരാഷ്ട്രയിലെ സ്കൂളുകൾ തുറക്കാൻ മഹാരാഷ്ട്ര സർക്കാർ തീരുമാനിച്ചെങ്കിലും പിന്മാറി. കോവിഡ് ടാസ്ക് ഫോഴ്സിന്റെ എതിർപ്പിനെത്തുടർന്നാണ് തീരുമാനത്തിൽ നിന്നും പിന്മാറിയത്.
Story Highlights: Gujarat Govt. to reopen schools on September.
