രണ്ടുവയസ്സുകാരനെ കഴുത്ത് ഞെരിച്ചു കൊന്ന് ഓവുചാലിൽ തള്ളി; ബന്ധുക്കൾ അറസ്റ്റിൽ.

ഡൽഹിയിൽ രണ്ടു വയസ്സുകാരനെ തട്ടിക്കൊണ്ടുപോയി കഴുത്തു ഞെരിച്ചു കൊലപ്പെടുത്തിയ നിലയിൽ കണ്ടെത്തി. സംഭവത്തിൽ രഘുബി നഗർ ചേരി സ്വദേശികളായ ദമ്പതികളെ പോലീസ് അറസ്റ്റ് ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തെരുവിൽ ഭിക്ഷാടനം ചെയ്ത് ജീവിക്കുന്ന ദമ്പതികളായ യമുന, രാജേഷ് എന്നിവരെയാണ് പോലീസ് അറസ്റ്റ് ചെയ്തത്. സഹോദരന്റെ മകനെ ഇരുവരും ചേർന്ന് കൊലപ്പെടുത്തി ഓവുചാലിൽ തള്ളിയെന്ന് പോലീസ് പറഞ്ഞു.

യമുനയുടെ സഹോദരന്റെ മകനോട് യമുനയുടെ മാതാവിനുള്ള അമിത സ്നേഹത്തിൽ ഇവർക്ക് പകയുണ്ടായിരുന്നു. കൊച്ചുമകന് കൊടുക്കുന്ന സ്നേഹം സ്വന്തം മാതാവ് തനിക്ക് തരുന്നില്ലെന്ന് യമുന പരാതിപ്പെട്ടിരുന്നു. ഇതേതുടർന്നുള്ള വൈരാഗ്യമാണ് രണ്ടു വയസുകാരന്റെ കൊലപാതകത്തിൽ കലാശിച്ചത്.

പോലീസ് സിസിടിവി ദൃശ്യങ്ങൾ പരിശോധിച്ചതോടെയാണ് ദമ്പതികൾ കുട്ടിയെ കഴുത്ത് ഞെരിച്ച് ഓവുചാലിൽ തള്ളിയത് കണ്ടെത്തിയത്. മണിക്കൂറുകൾ നീണ്ട പ്രയത്നത്തിനൊടുവിലാണ് വെള്ളം നിറഞ്ഞ ഓവുചാലിൽ നിന്നും കുട്ടിയുടെ മൃതദേഹം പുറത്തെടുത്തത്.

അവിഹിത ബന്ധം: ഭാര്യയും ഭാര്യാമാതാവും ചേർന്ന് യുവാവിനെ കൊലപ്പെടുത്തി

Story Highlights: Toddler killed by relatives.

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്