തൃശ്ശൂർ പറവട്ടാനി കൊലപാതകത്തിൽ മൂന്നുപേർ അറസ്റ്റിൽ.

തൃശ്ശൂർ പറവട്ടാനിയിൽ യുവാവിനെ കൊലപ്പെടുത്തിയ സംഭവത്തിൽ ഒല്ലൂക്കര സ്വദേശികളായ മൂന്നു പേർ അറസ്റ്റിൽ.

നിരവധി ക്രിമിനൽ കേസുകളിൽ പ്രതിയായ ഷമീറിനെ ഓട്ടോയിൽ വന്ന് സംഘമാണ് ആക്രമിച്ച് കൊലപ്പെടുത്തിയത്. 

ദിവസങ്ങൾക്കു മുൻപാണ് പറവട്ടാനി ചുങ്കത്ത് സംഭവം നടന്നത്.സംഭവസ്ഥലത്തുതന്നെ ഷമീർ മരിച്ചിരുന്നു.

തുടർന്ന് പോലീസെത്തി ഷമീറിന്റെ മൃതദേഹം ആശുപത്രിയിലേക്ക് മാറ്റുകയായിരുന്നു.

ഗുണ്ടകളുടെ കുടിപ്പകയാണ് കൊലപാതകത്തിൽ എത്തിയത് എന്നാണ് പോലീസ് വ്യക്തമാക്കിയത്.

ശക്തമായ പോലീസ് അന്വേഷണത്തെ തുടർന്നാണ് പ്രതികളെ അറസ്റ്റ് ചെയ്തത്.

Story highlight : 3 arrested in Paravattani murder case.