വയനാട് ജില്ലയിലെ ചുണ്ടേലിൽ 400 കിലോയോളം ചന്ദനവുമായി മൂന്ന് പേരെ വനം വകുപ്പ് പിടികൂടി.
വയനാട് ചുണ്ടൽ സ്വദേശിയായ ഒരാളും മലപ്പുറം സ്വദേശികളായ രണ്ടുപേരെയുമാണ് വനം വകുപ്പ് അറസ്റ്റു ചെയ്തത്.
ഇവരുടെ കൂട്ടത്തിലെ ഒരാൾ ഓടി രക്ഷപ്പെറ്റിട്ടുണ്ട്.പ്രതിക്കായി പോലീസ് അന്വേഷണം നടത്തി വരികയാണ്.
വൈത്തിരി ഫോറസ്റ്റ് സ്‌റ്റേഷൻ പരിധിയിലെ ചുണ്ട പക്കാളി പള്ളം ആനക്കാട് ഭാഗത്ത് നിന്നുമാണ് പോലീസ് പ്രതികളെ പിടികൂടിയത്.
കഴിഞ്ഞ ദിവസം രാത്രിയിലെ പോലീസ് പട്രോളിങ്ങിനിടെ പ്രതികളെ പിടികൂടുകയായിരുന്നു.ഇവർ ചന്ദനം കടത്താൻ ഉപേയാഗിച്ചിരുന്ന കാറും പോലീസ് കസ്റ്റഡിയിൽ എടുത്തിട്ടുണ്ട്.
ഇവർക്കൊപ്പം ഉണ്ടായിരുന്ന വയനാട് സ്വദേശിയായ പ്രതിയ്ക്കായി പോലീസ് അന്വേഷണം ഊർജിതമാക്കിയിട്ടുണ്ട്.അന്വേഷണത്തിന്റെ ഭാഗമായി വാഹന പരിശോധനയടക്കം കർശനമാക്കിയിരിക്കുകയാണ്.
Story highlight : 2 arrested with 400 kg of sandalwood seized from Wayanad.
