സമ്മാനാർഹമായ ലോട്ടറി ടിക്കറ്റിന്റെ കളർ കോപ്പിയുമായി വിൽപനക്കാരെ കബളിപ്പിച്ച് പണം തട്ടിയ പ്രതി അറസ്റ്റിൽ.സംഭവത്തിൽ കൊച്ചി ഇടപ്പള്ളി ഗായത്രി കല്യാണ മണ്ഡപത്തിന് സമീപത്തെ ഫ്ലാറ്റിൽ താമസിക്കുന്ന ഡെറിക് ആന്റണിയാണ് (49) മണ്ണഞ്ചേരി പൊലീസിന്റെ പിടിയിലായത്.
കലവൂർ വോൾഗ ജംക്‌ഷന് സമീപം ലോട്ടറി കച്ചവടം നടത്തുകയായിരുന്ന മണ്ണഞ്ചേരി സ്വദേശിനി മിനിയെയാണ് സമ്മാനാർഹമായ ലോട്ടറി ടിക്കറ്റിന്റെ കളർ കോപ്പി ഉപയോഗിച്ച് പ്രതിയായ ഡെറിക് കബളിപ്പിച്ചത്.
കാരുണ്യ ലോട്ടറിയുടെ 2000 രൂപ സമ്മാനാർഹമായ ടിക്കറ്റാണെന്ന് തെറ്റിദ്ധരിപ്പിച്ച് മിനിയിൽ നിന്നും 500 രൂപയുടെ ലോട്ടറിയും 1500 രൂപയും ഇയാൾ വാങ്ങുകയായിരുന്നു.ഇത്തരത്തിൽ വിൽപനക്കാരെ കബളിപ്പിച്ച് കാറിൽ സഞ്ചരിച്ച് പണം തട്ടി വരികയായിരുന്ന പ്രതിയെ പൊലീസ് നടത്തിയ അന്വേഷണത്തിൽ പിടികൂടുകയായിരുന്നു.
Story highlight : Young man arrested for Fraud with color copy of lottery ticket.
