മലയാളി യുവാവിന്റെ മുഖത്ത് ആസിഡ് ഒഴിച്ച് തമിഴ് യുവതിയുടെ പ്രതികാരം ; ആസിഡ് ആക്രമണത്തിന് ശേഷം ആത്മഹത്യാശ്രമം.

ചെന്നൈ : മലയാളി യുവാവിന്റെ മുഖത്ത് ആസിഡ് ഒഴിച്ച ശേഷം യുവതി ആത്മഹത്യയ്‌ക്ക് ശ്രമിച്ചു.തിരുവനന്തപുരം കൊടിപുരത്തെ ആർ. രാഗേഷിനെയാണ് (30) കാഞ്ചീപുരം മീനംപാക്കം തിരുവള്ളുവർ നഗർ സ്വദേശിയായ പി. ജയന്തി( 27) ആസിഡും കത്തിയും ഉപയോഗിച്ച് ആക്രമണത്തിനു ഇരയാക്കിയത്.

ദുബായിലെ ഒരു കമ്പനിയിൽ ഒരുമിച്ച് ജോലി ചെയ്തിരുന്ന ഇരുവരും ഏറെ കാലമായി അടുപ്പത്തിലായിരുന്നു.ഭർത്താവുമായി വേർപിരിഞ്ഞ ജയന്തി രാഗേഷിനോടൊപ്പമാണ് താമസിച്ചിരുന്നത്.കഴിഞ്ഞ ജൂലായ് മാസം തന്റെ സഹോദരിയുടെ വിവാഹത്തിനായ് രാഗേഷ് നാട്ടിലെത്തുകയും തുടർന്ന് രാകേഷ് വിവാഹിതനാവുകയും ചെയ്തു.

എന്നാൽ ഇക്കാര്യം ജയന്തിയെ അറിയിച്ചിരുന്നില്ല.ഇതിനിടെ  ജയന്തിയും നാട്ടിലെത്തിയിരുന്നു. തുടർന്ന് കഴിഞ്ഞ ദിവസം ഇരുവരും പീളമേട്ടിലെ ഒരു സർവ്വീസ് അപ്പാർട്‌മെന്റിൽ വെച്ച് കാണാൻ തീരുമാനിക്കുകയും ഇവിടെ എത്തിയ ജയന്തി രാകേഷിനോട് തന്നെ വിവാഹം കഴിക്കാൻ ആവശ്യപ്പെടുകയുമായിരുന്നു.

എന്നാൽ രാകേഷ് വിവാഹിതനായ കാര്യം ജയന്തിയെ അറിയിച്ചതോടെ ഇരുവരും  വാക്കുതർക്കത്തിലേർപ്പെടുകയും തുടർന്ന് ജയന്തി രാഗേഷിന്റെ മുഖത്തേക്ക് ആസിഡ് ഒഴിക്കുകയുമായിരുന്നു.കത്തി ഉപയോഗിച്ച് കുത്തി പരിക്കേൽപ്പിക്കുകയും ചെയ്തു.തുടർന്ന് ജയന്തിയും വിഷം കഴിച്ച് ആത്മഹത്യയ്‌ക്ക് ശ്രമിച്ചു.

ഇരുവരുടേയും ആരോഗ്യ നില ഗുരുതരമല്ലെന്ന് ആശുപത്രി അധികൃതർ അറിയിച്ചു.രാഗേഷ് തന്നിൽ നിന്ന് 18 ലക്ഷം രൂപ കൈപ്പറ്റിയിരുന്നതായി ജയന്തി പോലീസിൽ പരാതി നൽകി.

Story highlight : Woman tried to commit suicide after attacking young man with Acid.