കണ്ണൂർ പുതിയതെരുവ് ബാറിൽ നിന്ന് വനിതാ പൊലീസ് ഉദ്യോഗസ്ഥയെ വെട്ടിക്കൊന്ന ഭർത്താവ് പിടിയിലായി. കരിവെള്ളൂർ പലിയേരി സ്വദേശിയായ ദിവ്യശ്രീയാണ് കൊല്ലപ്പെട്ടത്. പ്രതി രാജേഷ് ദിവ്യശ്രീയുടെ ദേഹത്ത് പെട്രോൾ ഒഴിച്ച ശേഷമാണ് വെട്ടിയത്.
ഇന്ന് വൈകീട്ടാണ് സംഭവം നടന്നത്. കാസർഗോഡ് ചന്തേര പൊലീസ് സ്റ്റേഷനിലെ സിപിഒ ആയിരുന്നു ദിവ്യശ്രീ. പയ്യന്നൂരിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ദിവ്യശ്രീയും രാജേഷും തമ്മിൽ ദാമ്പത്യപ്രശ്‌നങ്ങളുണ്ടായിരുന്നതിനെ തുടർന്ന് കഴിഞ്ഞ കുറേനാളായി ഇരുവരും അകന്നുകഴിയുകയായിരുന്നുവെന്നാണ് വിവരം.
ദിവ്യശ്രീയുടെ വീട്ടിലെത്തിയ രാജേഷ് കൊടുവാൾ ഉപയോഗിച്ചാണ് വെട്ടിയത്. മുഖത്തും കഴുത്തിനും ഗുരുതരമായി പരുക്കേറ്റു. തടയാൻ ശ്രമിച്ച പിതാവിനും വെട്ടേറ്റിട്ടുണ്ട്. ബഹളം കേട്ട് നാട്ടുകാർ ഓടിയെത്തിയപ്പോൾ രാജേഷ് ഓടിരക്ഷപ്പെടുകയായിരുന്നു.
Story Highlights: Husband arrested for killing woman police officer in Kerala
