ഇന്ധനവിലയിൽ പ്രതിഷേധിച്ച് യൂത്ത് കോൺഗ്രസ് 100 കിലോമീറ്റർ സൈക്കിൾ ചവിട്ടി നടത്തിയ പ്രതിഷേധം ജനശ്രദ്ധ നേടിയിരുന്നു. കോൺഗ്രസ് ദേശീയ അധ്യക്ഷനായ ബി.വി ശ്രീനിവാസ് അടക്കമുള്ളവർ എത്തിയതോടെ കൂടുതൽ ജനപിന്തുണയും ലഭിച്ചു.
ഇതിനിടയിലാണ് ഷാഫി പറമ്പിൽ സൈക്കിൾ റാലിയ് ക്കിടയിൽ പറഞ്ഞ തമാശ ട്രോളുകളായി നിറഞ്ഞത്. ‘അപ്പോഴേ പറഞ്ഞില്ലേ പദയാത്ര മതിയായിരുന്നു’ എന്നതായിരുന്നു വാചകം. സഹപ്രവർത്തകൻ ലൈവ് ആണെന്ന് ഓർമിപ്പിക്കുമ്പോൾ ഡിലീറ്റ് ആക്കെന്ന് ഷാഫി പറമ്പിൽ.
എന്നാൽ വോട്ടിനു വേണ്ടിയുള്ള നാടകമായിരുന്നു എല്ലാം എന്നാണ് ഇടത് അനുകൂല സംഘടനകൾ വിമർശിച്ചത്. ഇന്ധന നികുതി കുറയ്ക്കാത്ത സംസ്ഥാന സർക്കാരിനെതിരെ ഒരു വാക്കുപോലും മിണ്ടാൻ ധൈര്യ മില്ലാത്ത ഡിവൈഎഫ്ഐക്കാരാണ് നൂറുകിലോമീറ്റർ സൈക്കിൾ യാത്ര നടത്തിയ ഷാഫി പറമ്പിൽ എംഎൽഎയെ പരിഹസിക്കുന്നത് എന്ന് കോൺഗ്രസ് തിരിച്ചടിച്ചു.
Story Highlights: Shafi Parambil’s viral video during youth congress’s protest against petrol price hike
