Third suspect arrested in Subhadra murder case for aiding criminals

സുഭദ്ര കൊലപാതക കേസിൽ മൂന്നാമതൊരാൾക്കും പങ്കുണ്ടെന്ന് പൊലീസ് വെളിപ്പെടുത്തി. നിധിൻ മാത്യുസിന്റെ സുഹൃത്തും ബന്ധുവുമായ റെയ്നോൾഡ് എന്നയാൾ കൊലപാതകം നടത്താൻ ആവശ്യമായ സഹായം നൽകിയെന്നാണ് പൊലീസ് പറയുന്നത്. സുഭദ്രയെ മയക്കാൻ പ്രതികളായ മാത്യുസിനും ശർമിളയ്ക്കും ലഹരി എത്തിച്ച് നൽകിയത് റെയ്നോൾഡ് ആണെന്നും, എന്നാൽ കൃത്യത്തിൽ നേരിട്ട് പങ്കില്ലെന്നും പൊലീസ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇയാളുടെ അറസ്റ്റ് രേഖപ്പെടുത്തിയിട്ടുണ്ട്. സുഭദ്രയെ കൊലപ്പെടുത്തിയത് സാമ്പത്തിക നേട്ടത്തിനു വേണ്ടിയാണെന്ന് പ്രതികള് സമ്മതിച്ചു. നെഞ്ചില് ചവിട്ടി വാരിയെല്ലുകള് തകര്ത്തും കഴുത്ത് ഞെരിച്ചുമാണ് കൊന്നതെന്ന് മാത്യൂസും ശര്മിളയും ചോദ്യം ചെയ്യലില് വെളിപ്പെടുത്തി.

സ്വർണാഭരണങ്ങൾ കവരുകയായിരുന്നു ലക്ഷ്യമെങ്കിലും, സുഭദ്രയുടെ ആഭരണങ്ങളിൽ പകുതിലധികവും മുക്കുപണ്ടമായിരുന്നുവെന്ന് ഉടുപ്പിയിലെത്തിയപ്പോഴാണ് പ്രതികൾ തിരിച്ചറിഞ്ഞത്. പിന്നീട് സുഭദ്രയുടെ സ്വർണ വളയും കമ്മലും ആലപ്പുഴയിലും ഉഡുപ്പിയിലുമായി വിൽക്കുകയായിരുന്നു. 2016-17 മുതലാണ് സുഭദ്രയും ശർമിളയും തമ്മിൽ പരിചയത്തിലായത്.

രണ്ട് മാസം മുൻപ് സുഭദ്രയുടെ കടവന്ത്രയിലെ വീട്ടിൽ കൊലപാതകം നടത്താൻ ശ്രമിച്ചെങ്കിലും പിന്നീട് തീരുമാനം മാറ്റി. കൊലപാതകത്തിന് മുൻപ് തന്നെ വീട്ടുവളപ്പിൽ കുഴി വെട്ടിയിരുന്നു. ആഗസ്റ്റ് നാലിന് സുഭ്രദയെ കാണാതായി, ഏഴാം തീയതി കൊലപ്പെടുത്തിയശേഷം പ്രതികൾ മണിപ്പാലിലേക്ക് കടന്നുകളഞ്ഞു.

ഗർഭിണി കൊലക്കേസിൽ രണ്ടാം പ്രതി രജയ്ക്കും വധശിക്ഷ വിധിച്ച് കോടതി

ഇന്നലെ വൈകീട്ടോടെയാണ് ഇവരെ കർണാടകയിൽ നിന്ന് പൊലീസ് പിടികൂടിയത്. കേസിലെ മൂന്ന് പ്രതികളെയും ആലപ്പുഴ ജനറൽ ആശുപത്രിയിൽ മെഡിക്കൽ പരിശോധനയ്ക്ക് എത്തിച്ച ശേഷം ഒന്നിച്ച് കോടതിയിൽ ഹാജരാക്കും.

Story Highlights: Third accused arrested in Subhadra murder case for providing assistance to main suspects

വെഞ്ഞാറമൂട്ടിൽ വയോധികയെ ആക്രമിച്ച് വഴിയിൽ ഉപേക്ഷിച്ചു; പോലീസ് അന്വേഷണം ഊർജ്ജിതമാക്കി